Նաիրի ԲԿ-ում օնկոգինեոլոգիական ծառայությունը գործում է 2013թ-ից: Կլինիկական գործունեության հիմնական ուղղվածություններն իրենցից ներկայացնում են կանացի սեռական օրգանների բարորակ և չարորակ նորագոյացությունների, ինչպես նաև նախաքաղցկեղային հիվանդությունների վիրաբուժական բուժումը:
Կլինիկայի տեխնիկական հագեցվածության աստիճանը և բարձր որակավորում ունեցող մասնագետների առկայությունը թույլ են տալիս իրականացնել հիվանդների հետազոտությունները և բուժումը NCCN( National Comprehensive Cancer Network Clinical Practice Guidelines in Oncology) ուղեցույցերին համապատասխան, ինչի շնորհիվ կարելի է հասնել այն ապրելիության ցուցանիշներին, որոնքգրանցվել են ԱՄՆ և Եվրոպայի առաջատար կլինիկաներում:
Լայնորեն կիրառվում է ժամանակակից քիչ ինվազիվ վիրաբուժություն ( լապարոսկոպիա, հիստերոսկոպիա): Կլինիկան հագեցված է Karl Storz ընկերության արտադրության ամենաժամանակակից էնդոսկոպիկ HD սարքավորումներով:
Կենտրոնի քիմիոթերապիայի բաժանմունքի և ԵՊԲՀ օնկոլոգիայի ամբիոնի հետ սերտ համագործկցությունը թույլ է տալիս իրականացնել հիվանդների հակաուռուցքային լիարժեք կոմպլեքս բուժում ( քիմիոթերապիա, ճառագայթային բուժում):
Ծառայությունը համագործակցում է Օնկոլոգների Եվրոպական Ասոցիաիայի ( ESGO) հետ: Յուրաքանչյուր առանձին դեպքի հետազոտման պլանը և բուժումը համաձայնեցվում են վերոնշյալ թիմի կողմից, որումներ գրավվում են նաև նեղ մասնագետներ (քիմիոթերապևտ, ընդհանուր ուռուցքաբան, անոթային վիրաբույժ, սրտաբան, էնդոկրինոլոգ, անեսթեզիոլոգ և այլն):
Այսպիսով` մեր հիվանդները հնարավորություն ունեն հետազոտվելու և բուժվելու ամենաբարձր և ժամանակակից միջազգային չափանիշներին համապատասխան` առանց Հայաստանի սահմանները լքելու:
Բուժման պլանը պարտադիր կերպով քննարկվում է հիվանդի հետ, և ախտորոշման ու բուժման բոլոր գործընթացներն իրականացվում են իրազեկվելուց հետո նրա համաձայնությունն ստանալու դեպքում:
Բարորակ ուռուցքներ և նախաքաղցկեղային հիվանդություններ
Իրականացվում են նաև կոնքի հատակի պլաստիկ-ռեկոնստրուկտիվ վիրահատություններ` կոնքի օրգանների իջեցումների և արտանկումների դեպքում, ինչպես նաև ուռոգինեկոլոգիական վիրահատություններ:
