Մի գդալ շաքարավազը կարող է հրաշքներ գործել` թույլ տալով, որ դեղամիջոցն ավելի լավ յուրացվի և և ավելի արդյունավետ գործի: Ուսումնասիրությունը ցույց տվեց, որ նման արդյունք է գրանցվում հակաբիոտիկների պարագայում:
Այսպես, գլյուկոզան ու ֆրուկտոզան քրոնիկ վարակներ առաջացնող միկրոբներն ավելի զգայուն են դարձնում դեղերի հանդեպ: Նմանատիպ վարակները զարգանում են այն ժամանակ, երբ բակտերիաներին հաջողվում է «թաքնվել» դեղերից:
Բոստոնի համալսարանի գիտնականները փորձարկել են շաքարավազի այն հատկությունը, թե արդյոք վերջինս կարո՞ղ է պաթոգեններին արթնացնել: Պարզվեց, որ շաքարավազը բակտերիաներին անպաշտպան էր դարձնում հակաբիոտիկների առջև: Որպես փորձարկման նմուշ` գիտնականները վերցրեցին E.coli բակտերիաները, որոնք առաջացնում են միզուղիների բորբոքումներ:
Մասնագետներին հաջողվեց գտնել 99.9% կայուն բակտերիաներ մեկ ժամում: Իսկ առանց շաքարի դեղերը չէին կարողանում գտնել դրանք: Այժմ գիտնականները ծրագրում են շարունակել իրենց հետազոտություններն ու ճշտել` արդյոք կկարողանա՞ն շաքարի տեսքով հավելումներն աջակցել տուբերկուլյոզի բուժմանը:
