Քնելը չափազանց հաճելի է: Ցավոք, չափից շատ հաճելի բանը կարող է նաև վնասակար լինել:
Հետազոտությունները ցույց են տալիս, որ չափից շատ քնելը վտանգավոր է մի քանի տեսանկյունից: Նախ և առաջ շատ քնելիս հոգնածություն ենք զգում, քանի որ խախտվում է մեր բիոլոգիական ժամացույցը , որն էլ սկսում է բջիջներին անհասկանալի ազդանշաններ ուղարկել պատճառ դառնալով ուժեղ հոգնածության զգացողության: Ավելին, շատ քնելը կարող է գլխացավ առաջացնել, քանի որ ազդում է ուղեղի նեյրոտրանսմիտորներին:
Շատ քնելն ասոցացվում է այնպիսի հիվանդույթունների հետ, ինչպիսիքն են դիաբետը, ճարպակալումը, դեպրեսիան և սրտային հիվանդությունները: Դեռ հստակ չէ, արդյոք այս խնդիրների հիմքում հենց շատ քնելն է, սակայն կորելացիան հստակ է:
Չափազանց շատ քնելը կարող է խոսել նաև հիպերսոմնիա կոչվող հիվնադության մասին, որի ախտանիշներն են տագնապը, ախորժակի կորուստը, անհանգստությունը, հիշողության վատացուm: Հիպերսոմնիակը անընդհատ հոգնած է և կարող է քնել օրվա ընթացքում :
Այսպիսով, ինչքան քնելն է չափից շատ: Շատ բժիշկներ խորհուրդ են տալիս 7-9 ժամ քնել, սակայն այս թիվը նույնիսկ միևնույն մարդու մոտ կարող է տատանվել կախված տարիքից, կենսակերպից ու առողջությունից: Քնի պահանջը կարող է մեծանալ օրինակ, հիվանդությունից հետո վերականգնման շրջանում, կամ պարզապես ժամայինյ գոտին փոխելիս:
Թարգմանված նյութի աղբյուրը՝ Blog.zocdoc.com
Սկզբնաղբյուր՝ Doctors.am