Ամենահաճախ հանդիպող սեռական խնդիրներ, կանացի պահպանակներ և սեռական կարծրատիպեր. մանրամասնում է Արման Մարգարյանը

 

 

Դիմելիությունը սեքսոպաթոլոգին, ուրախությամբ կարող եմ ասել, որ աճման միտում ունի՝ ավագ սերնդի սեքսոպաթոլոգների ներկայացրած վիճակագրական տվյալների համեմատությամբ: Այս հարցում կարևոր դեր ունի հատկապես հասարակության առավել տեղեկացված և հետաքրքրված լինելը՝ բժիշկների հետ էլէկտրոնային նամակագրություն և այլն…

Ողջունելի է փաստը, որ մարդիկ այսօր ինքնուրույն կարողանում են որակել իրենց խնդիրները և հասկանալ, թե ո՞ր մասնագետին է պետք դիմել:

 

Հիմնական խնդիրներն են սեռականությանը վերաբերող տարբեր պաթոլոգիաները՝ սեռական ցանկության բացակայություն,  միջանձնային կոնֆլիկտներ, էրեկցիոն դիսֆունկցիաներ, վաղաժամ սերմնաժայթքում, կանանց մոտ՝ կոյիտոֆոբիա, վագինիզմ, անօրգազմիա, սեռական ցանկության նվազում կամ բացակայություն: Զույգային խնդիրներից կառանձնացնեմ անպտղությունը և աններդաշնակությունը…

 

Նախկինում, ելնելով կովկասյան մտածելակերպից, մարդիկ չէին բարձրաձայնում նմանատիպ խնդիրները, դրանք ծառանում էին, բարդանում: Այժմ ողջունելի է հատկապես կանանց վերաբերմունքը սեռականությանը. Նրանք դարձել են ավելի խստապահանջ թե՛ իրենց սեփական «ես»-ի, թե՛ կողակցի նկատմամբ, սա օգնում է կանխարգելել կամ հեշտությամբ լուծել առաջացած խնդիրները:

 

Նախաամուսնական զույգերի դիմելիությունը ևս աճ է գրանցել: Զույգերը, կարծում եմ, պետք է իրազեկ լինեն մեկը մյուսի առողջական վիճակի մասին:

 

 

Այո, իհարկե: Սա մուլտիդիսցիպլինար համակարգ է, մշտապես համագործակցության մեջ ենք ուրոլոգների, գինեկոլոգների, էնդոկրինոլոգների, հոգեբույժների, հոգեբանների հետ: Այս կերպ արդյունավետությունն անհամեմատ ավելի բարձր է:

 

 

Գոյություն ունեն մի քանի գործոններ, որոնց ամբողջականության պահպանումը միայն կարող է բերել զույգային, ամուսնական ներդաշնակության՝ ֆինանսական, բարոյական, հոգեբանական, սեռական և այլն…

 

 

Սա իրենից ներկայացնում է խողովակաձև, պոլիուրետանային պահպանակ, երկու օղերով՝ մեծը տեղադրվում է հեշտոցամուտքում, իսկ փոքր օղը կարող է հասնել ընդհուպ արգանդի պարանոց: Այս տեսակի պահպանակները կիրառության մեջ են մտել 90-ական թվականներին: Սրանք, իհարկե, ամենահարմար տարբերակը չեն ինչպես կիրառելիության , այնպես էլ մատչելիության տեսանկյունից: Շատ են նաև կողմնակի ազդեցությունները;

 

Հիմնական անհարմարավետությունը զույգի մոտ, հատկապես տղամարդու՝ ֆիքսվածության զգացողությունն է. պահպանակը շարժուն է և կարող է անդամի հետ ներհրվել: Բացի վերը նշված թերությունները, այն ունի նաև տհաճ հոտ, որը կարող է հանգեցնել նույնիսկ ցանկության նվազեցման:

 

Ի տարբերություն տղամարդկանց համար նախատեսված պահպանակների, որ հարկավոր է հարաբերությունից հետո անմիջապես հանել, կանացի պահպանակները կարելի է կիրառել մինչև անգամ 8 ժամ:

 

 

Գիտեմ, որ կանացի պահպանակներ Հայաստան ներմուծվում են, սակայն, որքանով որ տեղյակ եմ, պահանջարկը նվազագույնն է:

 

 

Սրանք քիմիական բաղադրությամբ պրեպարատներ են, որոնք կնոջ սեռական ուղիներում ոչնչացնում են սպերմատոզոիդը, կամ խաթարում դրա շարժունակությունը: Սպերմացետները պահպանում են հեշտոցի միկրոֆլորան, չեն անդրադառնում դաշտանային ցիկլի վրա: Հանդիպում են քսուքների և մոմիկների տեսքով, կիրառվում են հարաբերությունից 15-20 րոպե առաջ, արդյունավետությունը՝ 97-98%: 

 

 

Հնարավոր կողմնակի ազդեցություններից է ալերգիկ ֆոնի առաջացումը: Միջոցը հակացուցված է նաև արգանդի պարանոցի խնդիրների դեպքում: Նշանակումը կատարվում է միայն գինեկոլոգիական, ՈՒՁ  հետազոտությունից հետո:

 

 

Որպես սքսոպաթոլոգ կարող եմ վստահեցնել, որ անդամի չափը որևէ կապ չունի հաճույքի հետ, բացառությամբ այն դեպքի, երբ անդամը համարվում է մինիպենիս՝ էրեկցիայի վիճակում մինչև 7սմ: 

 

 

Տղամարդիկ այս հարցով, սովորաբար, հազվադեպ են դիմում: Պացիենտներն առավել հաճախ դիմում են կնոջը գոհացնել չկարողանալու խնդրով, և երկարատև խորհրդատվությունից հետո միայն պարզվում է, որ խնդիրը առնանդամի չափն է: 

Կարող եմ ասել, որ այս հարցով հիմնականում մտահոգված են կանայք: Այս ամենի պատճառը սխալ տեղեկատվության հոսքն է ինտերնետային կայքերում և ամենուր… Այս ամենը հոգեբանորեն ճնշում են թե՛ կնոջը, թե՛ տղամարդուն:

 

 

Զույգերին խորհուրդ եմ տալիս լինել խստապահանջ սեփական և զուգընկերոջ առողջության նկատմամբ: Խնդրի ի հայտ գալու դեպքում վաղ դիմել բժշկի, քանի որ ինչպես ֆինանսական, այնպես էլ հոգեբանական տեսանկյունից ավելի հեշտ է այն լուծել մինչև բարդությունների առաջ գալը: 

Ցանկացած պահպանակ գնելիս խստագույնս ուշադրություն դարձրեք պահպանման ժամկետին և կիրառման կանոններին՝ հետագա բարդություններից խուսափելու համար:

 

Առողջ ապրելակերպը դարձրեք ձեր կյանքի բիոռիթմը: