Pediatric Asthma Risk Score
Երեխաների մոտ բրոնխիալ ասթմայի հավանականության հաշվարկան սանդղակ

Երեխաների մոտ բրոնխիալ ասթմայի ռիսկի գնահատման սանդղակը (PARS) առաջին համակարգն է, որի միջոցով հնարավոր է կանխատեսել երեխաների մոտ բրոնխիալ ասթմայի առաջացման հավանականությունը:

Ծրագիրը ստեղծվել է «Ալերգիայի և կլինիկական իմունաբանության» միջազգային ամսագրում (JACI) հրապարակված հետազոտության հիման վրա:

PARS-ը գերազանցում է  ասթմայի ախտորոշման ինդեքսը (API)՝ 11 % գերազանցող զգայնությամբ: 

Պատասխանելով 6 պարզ հարցի՝ մանկաբույժները կարող են հեշտությամբ կանխատեսել բրոնխիալ ասթման:

Բջջային հավելվածը ստեղծվել է Ցինցինատիի  մանկական հիվանդանոցի կենտրոնում  Գրեգորի Հիլլի կողմից: 

Հավելվածի լեզուն անգլերենն է: Բեռնումն անվճար է:

Հասանելի է և՛ iOS, և՛ Android համակարգերի համար:

Pedi STAT 
Մանկաբուժական վերակենդանացման շտապ օգնություն 

«Pedi STA»-ը բջջային հավելվածը նախատեսված է երեխաների ինտենսիվ թերապիայի հարցերի հետ առնչվող բժիշկների, բուժքույրերի համար: 

Հավելվածը ներառում է՝

  • Արագ հասանելիություն շնչառական ուղիների անցանելիության ապահովմանը նպաստող տվյալններին (էնդոթրախային խողովակի չափերը, ինտուբացիայի խորություն, դեղորայքի չափաբաժիններ):
  • Վերակենդանացման գործողության համար բոլոր անհրաժեշտ թվերը՝ ներառյալ դեղամիջոցների չափաբաժինները և դեֆիբրիլյատորի լիցքը՝ հիմնված հիվանդի քաշի վրա:
  • Մանրամասն նկարագրություններ, որոնք անհրաժեշտ են տարատեսակ սարքավորումների ընտրության համար՝ հիմնված հիվանդի տարիքային և քաշային առանձնահատկությունների վրա (օրինակ՝ տարբեր կիրառության կաթետորներ):
  • Կյանքին վտանգ սպառնացող իրավիճակներում դեղորայքի չափաբաժինը հաշվարկելու համար անհրաժեշտ թվեր:
  • Երեխաների տարիքային նորմեր:
  • Անալգեզիայի հաշվարկ:
  • Հարմար ինտերֆեյսի շնորհիվ օգտատերերը կարող են արագ հասանելիություն ունենալ կարևոր տեղեկատվության՝ առանց հիմնվելու հիշողության վրա կամ քրքրելու հաստափոր դասագրքերը:
  • Մշակված լինելով ծայրահեղ իրավիճակների համար՝ հավելվածը բժշկական սխալների ռիսկը հասցնում է նվազագույնի՝ բուժանձնակազմին թույլ տալով ավելի շատ ժամանակ հատկացնել պացիենտի խնամքին:

Հավելվածի լեզուն անգլերենն է: 

Հասանելի է և՛ iOS, և՛ Android համակարգերի համար: 

 

Պատրաստեց Արմինե Սարգսյանը