Բոլորս էլ լսել ենք այս արտահայտությունը` «շունը մարդու բարեկամն է»:Մարդու և շան ընկերությունը դեռևս հին ժամանակաշրջանից երկարատև է եղել:
Շները մարդկանց դարձնում են երջանիկ, սթրեսադիմացկուն, աշխատանքային լարված ժամերից հետո կարող են դրական էմոցիաներ առաջացնել:
Պարզվում է, որ շունը, ոչ միայն մարդու բարեկամն է, այլև ֆիզիկական առողջության երաշխավորը:
Ըստ հետազոտությանՙ շուն պահելը նվազեցնում է անձի վաղաժամ մահվան վտանգը: Հարվարդի համալսարանի հետազոտողները նշում են, որ շների սեփականատերերը սրտանոթային հիվանդությունների խնդիրներ քիչ են ձեռք բերում:
Ֆիզիկական ակտիվության համար կարևոր է շուն ունենալ, քանի որ զբոսանքները կրկնակի անգամ հաճախակիանում են, նույնիսկ ավելի երկար են տևում:
Վերջին ուսումնասիրությունները, այդ թվում` Կոլումբիայի Միսսուրի համալսարանի և Միացյալ Թագավորության Գլազգոյի Կալեդոնյան համալսարանի, փաստում են, որ 60-ից բարձր տարիքի մարդիկ ավելի ակտիվ են և առողջՙ շնորհիվ վարժությունների, զբոսանքների, վազքի, որոնք կատարել են շների հետ զբոսնելու ընթացքում:
Մեկ շաբաթվա ընթացքում այդ զբոսանքները կարող են բավարար լինել և համապատասխանել այն ցուցումներին, որ խորհուրդ է տալիս Համաշխարհային առողջապահական կազմակերպությունը. առնվազն 150 րոպեն բավարար է կայուն ֆիզիկական ակտիվություն ունենալու համար:
Շները կարող են բարելավել մեր առողջությունը ոչ միայն հասուն, այլև փոքր տարիքում, անգամ այն ժամանակ, երբ դեռ չենք ծնվել: Ըստ հետազոտությանՙ այն կանայք, ովքեր հղիության շրջանում շների հետ ժամանակ են անցկացնում, հայտնվում են էկզեմա հիվանդության զարգացման ցածր ռիսկային խմբում:
Աղբյուրը` https://www.medicalnewstoday.com/
