Կանաչապատված տարածքները մեծացնում են նորածնի քաշը

 

«Մենք հայտնաբերել ենք, որ կանաչապատ տարածքներում ապրող կանանց մոտ պակաս քաշով երեխա ծնելու ռիսկը փոքր է»,- ասում է պրոֆեսոր Մայկլ Ֆրիջերը: Նվազ քաշով ծնված երեխա է համարվում մինչև 2.5 կիլոգրամ քաշ ունեցողները: Տնտեսապես անբարենպաստ՝ կանաչապատումից զուրկ շրջաններում նվազ քաշով երեխա ծնելու հավանականությունը առավել մեծ է: 

 

Շատ հետազոտողներ նշել են առողջության վրա կանաչապատ տարածքների ազդեցության մասին: Քաղաքի կանաչապատ հատվածները լավ են անդրադառնում հոգեկան առողջության վրա: Երբ մարդը տեղափոխվում է մի վայր, որտեղ կանաչը շատ է, ապա դեպրեսիան նահանջում է: Ավելի վաղ բացահայտվել է, որ կանաչապատ տարածության յուրաքանչյուր 10%-ի ավելացումը մարդու կյանքի տևողությունը երկարացնում է հինգ տարով: 

 

Կանաչապատ տարածք ասելով ենթադրվում է այնպիսի մի տարածք, որն ամբողջությամբ կամ մասնակիորեն ծածկված է խոտով, ծառերով, թփերով կամ այլ տեսակի բուսականությամբ: Դրանց թվում են զբոսայգիները, այգիները և նույնիսկ գերեզմանատները: «Մենք դիտարկել ենք ոչ միայն քարտեզներում նշված կանաչապատված խոշոր տարածքները, այլ նաև ոչ մեծ կանաչ գոտիները, օրինակ՝ փողոցի կանաչապատումը»,- նշում է Մայկլ Ֆրիջերը:

 

Թարգմանված նյութի սկզբնաղբյուրը՝ Doctors.am

Նյութը՝ medicalxpress.ru