Հաճախ ենք գինեկոլոգի մոտ հետազոտության ժամանակ լսում հեշտոցից քսուք վերցնելու անհրաժեշտության մասին, իսկ ի՞նչ է այն իրենից ներկայացնում :
Այն լաբորատոր հետազոտություն է, որի միջոցով պարզում են հեշտոցի, արգանդի վզիկի միկրոֆլորայի վիճակը, էրիթրոցիտների, լեյկոցիտների պարունակությունը, ինֆեկցիաների առկայությունը և այլ ախտաբանական վիճակներ:
Ո՞ր դեպքում է անհրաժեշտ հանձնել քսուք
- եթե ունեք ցավեր որովայնի ստորին հատվածում,
- տհաճ զգացողություններ սեռական օրգանների շրջանում,
- քոր,
- ոչ բնորոշ արտադրություն հեշտոցից
- գինեկոլոգի մոտ կանխարգելիչ այցելությունների ժամանակ (1 անգամ 3-6 ամսվա ընթացքում)
- հղիության պլանավորման դեպքում
- հղիության ընթացքում
- երկարատև հակաբիոտիկներով, հորմոններով և ցիտոստատիկներով բուժում ստանալուց հետո
- սեռական զուգընկեր փոխելու դեպքում:
Ինչպե՞ս ճիշտ պատրաստվել հետազոտությանը, ճշգրիտ պատասխան ստանալու համար
- անհրաժեշտ է 1-2 օր զերծ մնալ սեռական հարաբերություն ունենալուց,
- չօգտագործել հեշտոցային պրեպարատներ (քսուքներ, մոմիկներ),
- վերջին 2-3 ժամվա ընթացքում չմիզել:
Ամենանպատակահարմար ժամանակը քսուքի հանձնման համար՝ դաշտանի ավարտից հետո 4-5-րդ օրն է:
Աղբյուրը՝ Doctors.am
