Շատ տղամարդկանց և կանանց համար ճաղատությունը լուրջ բարդույթների պատճառ է դառնում, բայց այսօր, բարեբախտաբար, դրան լուծում կա և այդ լուծումներից մեկը մազերի փոխպատվաստումն է: Մազերի փոխպատվաստման մասին խոսել ենք պլաստիկ վիրաբույժ Արտյոմ Իկիլիկյան հետ:
Ի՞նչ է մազերի փախպատվաստումը:
Մազերի փոխպատվաստումը կամ (տրանսպլանտացիան) համարվում է վիրաբուժական ճանապարհով գլխի մազերը վերականգնելու միակ արդյունավետ միջոցը: Այն իրականացնելու համար առաջին հերթին անց է կացվում ախտորոշիչ հետազոտություն, պարզելու մազաթափության պատճառը և տեսակը:
Իսկ սովորաբար ի՞նչն է մազաթափության ամենատարածված պատճառը:
Առհասարակ, ամենատարածված տեսակը, որը հանդիպում է 95% դեպքերում տղամարդկանց և կանանց 25% մոտ, դա անդրոգեն տիպի մազաթափությունն է, որի ախտաբանական մեխանիզմի հիմքում ընկած է ժառանգական նախատրամադրվածությունը: Այս հատկանիշը փոխանցվում է ժառանգական ճանապարհով և ի հայտ է գալիս դեռահասունացման տարիքից հետո: Այդ շրջանում արական սեռի մոտ տեղի է ունենում ներզատիչ գեղձերի կողմից տեստաստերոն հորմոնի ակտիվ արտադրություն և ( alpha 5-ռեդուկտազա) ֆերմենտի ներգործության արդյունքում, այդ հորմոնը վերածվում է դեհիդրոտեստաստերոն հորմոնի, այլ կերպ ասած անվանուվում է անդրոգեն հորմոն:Նույնը կարող է լինել կանանց մոտ, սակայն մազաթափությունը շատ դեպքերում կարող է ի հատ գալ ավելի ուշ տարիքում,մենոպաուզաից հետո կամ հորմոնալ այլ պատճառների խանգարումների հետևանքով: Անդրոգեն հորմոնը` թիրախ է հանդիսանում գլխի ճակատային,գագաթային մազարմատների համար և նրա մշտական ազդեցության հետևանքով, մազերը աստիճանաբար սկսում են թափվել և նոսրանալ,ի վերջո, դա հանգեցնում է ճաղատության, մինչ դեռ ծոծրակի և քունքերի հատվածներում եղած մազերը մնում են անփոփոխ և չեն թափվում, քանի որ հորմոնի նկատմամբ այդ մազերի արմատները ընկալիչներից զուրկ են,հետևաբար չեն ենթարկվում վնասակար ազդեցությանը:
Իսկ ինչպե՞ս է իրականացվում մազերի փոխպատվաստումը:
Վերոնշյալ մազաթափության կլինիկական պատկերը բնորոշվում է ճակատային և գագաթային մազածածկույթի բացակայությամբ կամ նոսրությամբ, միառժամանակ ծոծրակային և քունքային գոտիներում մազային խտությունը լինում է պահպանված:
Այս կարևոր հանգամանքը թույլ է տալիս պլաստիկ վիրաբույժ մասնագետներին վերցնել մազարամատները այդ հատվածներից և տեղադրել ճաղատ գլխամաշկի մեջ,հենց այստեղից է ծագել մազերի տրանսպլանտացիա անվանումը (trans-տեղափոխում , plantation-տեղադրում):
Ծոծրակից և քունքային հատվածներից վերցրած մազարմատները՝ անկաղ տեղադրման տեղից, միևնույն կերպ շարունակում են իրենց մազ արտադրելու հատկությունը: Սովորաբար փոխպատվաստումից հետո մազերի աճը նկատելի է դառնում 3-6 ամիսերի ժամանակահատվածում, իսկ աճման պրոցեսը պահպանվում է ողջ կյանքի ընթացքում:
Ի՞նչ է նշանակում FUE մեթոդը:
Follicular Unit Extraction (մազարմատների անհատական տարհանում): Համեմատած դասական մեթոդի հետ՝ այս մեթոդն ընդունված է համարել ոչ վիրահատական պրոցեդուրա "FUE" մեթոդի ժամանակ օգտագործվում է հատուկ գործիք, որին ամրացված է խողովականման ասեղ, որն էլ, պտտվելով յուրաքանչյուր մազի շուրջ, հատում է մաշկը ասեղի չափով և դուրս է հանում մազն իր արմատով:
Ո՞ր դեպքում է հակացուցված մազերի փոխպատվաստումը.
- Սրտային հիվանդություների
- Շաքարային դիաբետի
- Մաշկային և ինֆեկցիոն հիվանդություների
- Ցավազրկող դեղերի նկատմամբ ալերգիայի դեպքում:
Փոխպատվաստումից հետո ե՞րբ կարելի է գնալ աշխատանքի:
Աշխատանքի կարելի է գնալ մազերի փոխպատվաստումից 7 օր հետո:
Որքա՞ն ժամանակ հետո կարելի է կրկնել մազերի փոխպատվաստումը:
Սովորաբար մեծ մակերեսի ճաղատության դեպքում խորհուրդ է տրվում երկու կամ երեք այցելություն՝ երեքշաբաթյա ընդմիջումներով: