Գոյություն ունի՞ կապ եղանակի և հոդացավի միջև

Մարդկանց 2/3-ը համոզված է, որ կապ կա իրենց հոդացավի ու եղանակի միջև: Արդյոք նրանք ճիշտ են:

Միգուցե անակնկալի գաք, բայց այդպիսի կապ գոյություն ունի: Իրականում, պատճառը քամին, ցուրտը կամ խոնավությունը չեն, այլ բարոմետրիկ ճնշման անկումը:

Որքան ցածր է Ձեր մարմնին ազդող ճնշումը, այնքան հոդը շրջապատող հյուսվածքները կարող են ընդարձակվել: Ընդարձակվելով, դրանք ճնշում են հոդը: Մեզնից շատերը սա չեն զգում, սակայն քրոնիկ ցավով տառապողների նյարդային վերջավորությունները ավելի զգայուն են ճնշման հանդեպ, հետևաբար ցավն ուժեղանում է:

 

Բարոմետրիկ ճնշումը նվազում է եղանակի փոփոխություններից առաջ, ինչը կարող է բացատրել, թե ինչպես են որոշ մարդիկ եղանակը ‘’կանխագուշակում’’:

Նույնատիպ պատկեր է նաև գլխացավի դեպքում: Հետազոտությունները ցույց են տալիս, որ միգրենով տառապող մարդկանց 50-80%-ը կարծում է, որ եղանակի փոփոխությունը կարող է գլխացավի պատճառ դառնալ: Այս դեպքում այլ փոփոխականները` խոնավություն, ջերմաստիճան նույնպես ազդեցություն ունեն ցավին:

Սակայն ցավի և եղանակի միջև կապը համոզիչ չէ, և բժիշկների կողմից միանշանակ չի ընդունվում: Ամեն դեպքում, բոլորն էլ կհամաձայնեն, որ ցավի դեպքում, անկախ նրանից՝ արև է, թե անձրև, հարկավոր է դիմել բժշկի: