Ֆիզիկական ծանրաբեռնվածության հակացուցումներ են.
-Հղիության ընտհատման վտանգի առկայությունը և այդ առումով բուժումը
-Արյունահոսությունը կամ դրա վտանգը
- Ընկերքի մասնակի կամ ամբողջական առաջադրությունը
-Հղիությամբ պայմանավորված զարկերակային բարձր ճնշումը
-Պտղի ներարգանդային դանդաղ զարգացումը
-Ջրի ավելցուկը
Ցանկացած սուր հիվանդության, բորբոքային պրոցեսների, սուր խրոնիկ հիվանդությունների դեպքում ևս արգելված է ֆիզիկական ծանրաբեռնվածությունը:
Ցանկացած ֆիզիկական ծանրաբեռնվածության ժամանակ հարկավոր է հետևել ինքնազգացողությանը և սրտի զարկերի հաճախականությանը: Սրտի զարկերի միջին հաճախականությունը մարմնամարզությունից հետո 130-140 է լինում սովորաբար: Հինգ րոպե հանգստից հետո սրտի զարկերի հաճախականությունը պետք է նորմալանա` րոպեում 60-80 զարկ: Եթե ոչ, ապա չափից ավելի եք ձեզ ծանրաբեռնել:
Հղիության առաջին եռամսյակում ձևավորվում են պտղի օրգանները, ինչպես նաև ընկերքը, որի միջոցով պտուղը պետք է սնվի ներարգանդային զարգացման ողջ շրջանում: Մասնագետների կարծիքով այս ընթացքում պետք է խուսափել ամեն տեսակի ֆիզիկական ծանրաբեռնվածությունից ` հղիության ընդատումից խուսափելու համար: Հղիության առաջին 13 շաբաթների ընթացքում թույլատրված են միայն շնչառական վարժությունները և ձեռքերի ու ոտքերի ոչ բարդ վարժությունները:
Ուսումնասիրություններով պարզվել է, որ ֆիզիկական ծանրաբեռնվածությունը երկարատև կանգնած վիճակում մեծացնում է հղիության ընդհատման հավանականությունը, ուստի հղիներին խորհուրդ չի տրվում երկար ժամանակ կանգնած մնալ:
Երկրորդ եռամսյակից ընկերքն արդեն նորմալ գործում է, տոքսիկոզն անցել է, հղիությունն էլ կայունացել է: Սակայն այս շրջանում մեծանում են արգանդի չափերը և հետևաբար աճում է ճնշումը ողնաշարի և մեջքի մկանների վրա: Հատկապես ծանրաբեռնված են ոտքերի մկանները և անոթները:
Ընդհանուր առմամբ, երկրորդ եռամսյակը անվտանգ է մարմնամարզությամբ զբաղվելու համար:
Այս շրջանում վարժանքների թվում ներառվում են այնպիսիք, որոնք ամրացնում են մեջքի, ոտքերի և փորի մկանները:
Հղիության երրորդ եռամսյակում աճող պտուղը զգալիորեն սահմանափակում է ապագա մայրիկի ֆիզիկական ակտիվությունը, մեծանում է հոգնածության զգացողությունը: Այս ընթացքում ֆիզիկական ծանրաբեռնվածության ինտենսիվությունը պետք է նվազեցնել: Կանգնած և մեջքի վրա պառկած դիրքերում կատարվող մարզումները պետք է կրճատել: Վարժանքները պետք է կատարել դանդաղ և այնքան, որ կնոջ մոտ տհաճ զգացողություններ չառաջանան:
Թույլատրելի՞ է արդյոք ֆիզիկական ծանրաբեռնվածությունը հղիության ընթացքում
Հղի կնոջը առավել հաճախ տրվող խորհուրդներից է զերծ մնալ ցանկացած ֆիզիկական ծանրաբեռնվածությունից հղիության ողջ ընթացքում: Հարց է, արդյոք իրականում պետք է հետևել այս խորհրդին:
Հղիության նորմալ ընթացքի դեպքում կնոջ համար ֆիզիկական ծանրաբեռնվածությունն անհրաժեշտություն է: Հղիության ընթացքում մարմնամարզության դրական արդյունքներն ակնհայտ են. այն օգնում է ամրացնել մկանները, լավացնում է արյան շրջանառությունը բոլոր ներքին օրգաններում, ինչի շնորհիվ պտուղը առատ թթվածին է ստանում: Հղիության ընթացքում մարմնամարզությունը օգնում է նաև կարգավորել շնչառությունը, ինչը կօգնի նրան ծննդաբերության ընթացքում:
Մյուս ծայրահեղ կարծիքն այն է, թե քանի որ հղիությունը նորմալ ֆիզիոլոգիական վիճակ է, ուստի կարելի է շարունակել ակտիվ կենսակերպ վարել:
Որոշ սահմանափակումները ցանկալի են յուրաքանչյուր հղի կնոջ համար: Հղիության ընթացքում հակացուցված է ցանկացած ֆիզիկական ծանրաբեռնվածությունը, որը ուղեկցվում է մարմնի ցնցումներով, տատանումներով, ծանրություն բարձրացնելով, ընկնելու վտանգով կամ հարվածներով: Հղիության ընթացքում արգելված է նաև պրոֆեսիոնալ սպորտով զբաղվելը, ինչպես նաև այնպիսի մարզաձևերով, ինչպիսիք են լեռնագնացությունը, ձիավարությունը, մարտարվեստը, ջրի մեջ թռիչքները և այլն:
Լարված և ինտենսիվ ֆիզիկական ծանրաբեռնվածությունը հանգեցնում է արյան շրջանառության վատացման, ինչն էլ դառնում է պտղի դանդաղ, վատ զարգացման պատճառ: Սա կարող է վիժման պատճառ դառնալ:
Որոշ դեպքերում, սակայն, հղի կնոջը հակացուցված է ցանկացած ֆիզիկական ծանրաբեռնվածություն, քանի որ մեծ է բարդությունների հավանականությունը:
Ֆիզիկական ծանրաբեռնվածության թույլատրելի մակարդակը պետք է որոշել բժիշկ-գինեկոլոգի հետ:
Բոլոր դեպքերում հղիության առաջին եռամսյակում, երբ վիժման հավանականությունը մեծ է, կանաց խորհորդ է տրվում ֆիզիկական ակտիվությունը մինչև հղիության շրջանի համեմատ նվազեցնել 70-80 տոկոսով:
Մարմնամարզության լավագույն տեսակ է համարվում քայլքը, լողը: Մարմնամարզություններ էլ պետք է կատարել քիչ-քիչ, բայց պարբերաբար. շաբաթական առնվազն 3 անգամ: Այսպես դրանք ավելի արդյունավետ կլինեն, քան երբեմն-երբեմն կատարված երկարատև մարզումները, որոնք միայն վնասում են օրգանիզմին, քանի որ վերջինիս համար կտրուկ ծանրաբեռնվածությունը ստերս է:
Ֆիզիկական ծանրաբեռնվածության ինտենսիվությունը տարբեր է` կախված հղիության ժամանակահատվածից և ընթացքից, ինչպես նաև անհատական ֆիզիկական տվյալներից:
Մարզումներ կարելի է անցկացնել սնվելուց 2 ժամ անց: Մարզումների ընթացքում պետք է խուսափել ջրազրկումից և գերտաքացումից:
Այսպիսով, ֆիզիկական վարժությունները խորհուրդ են տրվում բոլոր հղի կանանց, որոնց մոտ հղիությունը նորմալ է ընթանում:
impokrik.am
