Հղիության նորմալ ընթացքի ժամանակ կինը դաշտան չի ունենում, սակայն լինում են դեպքեր, երբ կնոջ մոտ հղիության սկզբում արյունային արտադրություն է նկատվում: Արդյո՞ք դա նորմալ է, թե՞ պետք է անհանգստանալ…
Նախ, հարկ է նշել, որ հղիանալ հնարավոր է նաեւ դաշտանի օրերին. չէ՞ որ ձվազատումը եւ բեղմնավորումը երբեմն տեղի է ունենում դաշտանային ցիկլի ավարտին: Սակայն պետք է հիշել, որ դաշտանը հղիության ընթացքում բացառություն է, ոչ թե կանոն, ուստի ցանկալի է, որպեսզի կինը խորհրդակցի իր գինեկոլոգի հետ:
Դաշտան կարելի է անվանել միայն հղիության առաջին ամսին արտազատվող արյունը, իսկ արդեն երկրորդ ամսից սկսած այն ոչ մի կերպ չի կարող կապ ունենալ դաշտանային ցիկլի հետ:
Այնուամենայնիվ, ինչո՞ւ են որոշ կանայք դաշտան տեսնում հղիության ընթացքում:
Պատճառ 1
Այն պահին, երբ բեղմանվորված ձվաբջիջը մուտք է գործում էնդոմետրիում, տեղի է ունենում անոթների թեթեւակի վնասում, որի հետեւանքով էլ առաջանում են արյան արտազատուկներ: Նման արտազատությունն անվնաս է եւ չի սպառնում պտղին:
Պատճառ 2
Եթե բեղմնավորումը տեղի է ունենում դաշտանային ցիկլի կեսին կամ ավարտին, պտղաձուն կարող է չհասցնել ամրանալ արգանդի էնդոմետրիումում: Այդ դեպքում նույնպես կարող է դաշտնան սկսվել: Պտղաձվի՝ դեպի արգանդի էնդոմետրիում ճանապարհը կարող է 1-2 շաբաթ տեւել: Ու թեեւ բեղմավորումն արդեն եղել է, իսկ հորմոնալ ֆոնը չի հասցրել փոփոխվել, տեղի է ունենում դաշտանային արյունահոսություն:
Պատճառ 3
Էնդոկրին համակարգի խախատումների, վիրուսների կամ սթրեսի հետեւանքով արդեն հղիության ընթացքում կարող է նվազել էստրոգենների քանակը: Այդ դեպքում դաշտանն սկսվում է իր ճիշտ ժամանակին, երբ սկսվում էր մինչ հղիությունը: Նման անոմալիան կարող է շարունակվել 3-4 ամիս եւ մեծացնել վիժման ռիսկը:
Հիշեք, որ հղիության ժամանակ ցանկացած արյունային արտազատություն պատճառ է բժշկին այցելելու:
Աղբյուրը՝ Clevelandclinic.org
