Ադապտացիան մարդու ակտիվ հարմարումն է միջավայրին:Այս գործընթացում կարևոր դեր ունի անձի կայունությունը: Այդ կայունության մեջ, որը ենթադրում է մարդու պաշտպանական մեխանիզմը ադապտացիայի մեջ մտնում են` ինտելեկտուալ մակարդակը, հոգեկան գործընթացի որակը, հուզականությունը, հոգեկան վիճակների հավասարակշռությունը:
Սոցիալ-հոգեբանական ադապտացիայի տեսակներից են`
1. Արմատական ադապտացիա- անձի կողմից միջավայրի վերափոխման միջոցով ինքնաիրացումը:
2. Գերադապտացիա - ենթադրում է մի գործընթաց, երբ մարդը շատ մեծ ձեռքբերումներ ունի` գիտելիք, մարդկային արժանիքներ,կարող է ազդել հասարակության վրա, որ ինքն ինքնաիրացվել է:
3. Ներդաշնակ ադապտացիա - սա անձի ինքնաիրացումն է հասարակության պահանջին համահունչ:
4. Հարմարում (կոնֆորմիստ)- հարմարումն է անհատականության վրա ճնշող պայմաններում, երբ մարդը ոչինչ չի անում ճնշումը վերացնելու համար:
5. Շեղվող ադապտացիա - այն անձի հարմարումն է սոցիալական միջավայրին, նրա պահանջների կամ նորմերի շրջանակներից դուրս գալու միջոցով:
6. Սոցիալական հոգեբանական գերադապտացիա - սա ինքնաիրացման և հարմարման բթացված վիճակ է:
Դեզադապտիվ կամ անհարմարողական վարքի հիմաքում ընկած են ներանձնային կոնֆլիկտները:
Դեպրեսիայի դեպքում անձը ապակողմնորոշվում է սոցիալական միջավայրում, քանի որ չի կարող փոխել իր վրա սթրեսային ներգործություն ունեցող միջավայրը, ստիպված է լինում գործի դնել պաշտպանական մեխանիզմները: Միջավայրի հետ մտնում է գոյատևման պայքարի մեջ:
Համարժեք ադապտացիայի չափանիշներն են`
1. Ինքնադաստաիարակությունը - ինքն իրեն որպես անձի գնահատումը, ինքնավերահսկողությունը` օրենքի, կարգի նկատմամբ հարգանքը:
2. Նպատակաուղղվածությունը - հասարակայնորեն ընդդունելի կարգավիճակի ձգտումը:
3. Ինքնահսկողությունը - իրատեսական խնդիրներ դնելու ունակությունը:
4. Կայունություն - հոգեկան վիճակների կարգավորում, խուսափում իմպուլսիվ վարքից:
5. Իրավունքի նորմերի հետ նույնադրում:
Նյութի էլեկտրոնային սկզբնաղբյուր` Doctors.am