Բարձրաձայնել տեսողական խանգարումների և տեսողական խնդիրներ ունեցող մարդկանց վերականգնման տարբերակների մասին․ ահա, թե ինչ նպատակ ունի տեսողության համաշխարհային օրը։
Այն նշվում է ամեն տարի հոկտեմբերի երկրորդ հինգշաբթի օրը Առողջապահության համաշխարհային կազմակերպության որոշմամբ։
Տեսողության համաշխարհային օրը ևս մեկ հրաշալի առիթ է, որ խոսենք այն դեպքերի մասին, երբ պետք է դիմել ակնաբույժին։
Ներկայացնում ենք 10-ը ամենահաճախ հանդիպող ախտանշանները, որոնք կհուշեն Ձեզ այդ մասին՝
- հեռու կամ մոտ պատկերները տեսնելու դժվարություն,
- ցավ կամ անհարմարության զգացում,
- երկարատև կամ ուժեղ աչքերի կարմրածություն,
- արցունքահոսություն,
- աչքերի չորություն,
- աչքերում օտար մարմնի զգացում,
- լույսի հանդեպ աչքերի գերզգայունություն,
- երկարատև կամ ուժեղ քորի զգացում,
- աչքի վնասվածք,
- սև բծեր կամ կայծեր տեսադաշտում, տեսողությունը փակող մշուշ։
Եթե Ձեզ մոտ առկա է հետևյալ ախտանշաններից թեկուզ մեկը, ապա խորհուրդ ենք տալիս դիմել ակնաբույժի օգնությանը։ Ի դեպ, մեր կայքում կարող եք գտնել բազմաթիվ ակնաբույժների, ծանոթանալ նրանց աշխատանքային գործունեությանը և ստանալ կոնտակտային տվյալներ։
