Այս օրերին շատերիս մոտ գուցե առաջացել է նախկինում անծանոթ տագնապի զգացողությունը, իսկ տագնապային անձանց դեպքում՝ խիստ սրվել:
Իսկ դուք ձեզ համարո՞ւմ եք տագնապային անձ....
Իրականում, պատասխանն այդքան էլ ակնհայտ չէ. նույնիսկ հոգեթերապևտները ժամեր են ծախսում դա հասկանալու համար: Անձի տագնապայնության աստիճանը որոշելու աշխարհում հայտնի մեթոդներից է «Թեյլորի սանդղակը», որը Doctors.am-ը սիրով ձեզ համար հայաֆիկացրել է:
Թեյլորի առաջադրած անձնային տագնապայնության սանդղակը նախատեսված է տագնապի աստիճանը որոշելու համար։ Հրապարակվել է 1953 թվականին Ջանեթ Թեյլորի կողմից:
Սանդղակը բաղկացած է 50 պնդումից, որոնցից յուրաքանչյուրին պետք է պատասխանել «այո» կամ ոչ»: Թեստավորումը պետք է տևի առավելագույնը 15-30 րոպե: Պատասխանները նշեք ձեզ մոտ կամ ավելացրեք ֆեյսբուքյան հրապարակման մեկնաբանություններում: Հաջորդ հոդվածում կներկայացնենք սանդղակի պատասխանների վերլուծված տարբերակը: Անպայման փորձեք, գուցե ձեզ մոտ նոր հատկանիշներ հայտնաբերեք հայտնաբերեք, որոնց մասին նախկինում չեք մտածել:
- Սովորաբար ես շատ հանգիստ եմ, և ինձ հունից հանելը այդքան էլ հեշտ չէ:
- Ես ավելի նյարդային չեմ, քան մյուսները:
- Շատ հազվադեպ եմ փորկապություն ունենում:
- Շատ հազվադեպ եմ գլխացավեր ունենում:
- Հազվադեպ եմ հոգնում:
- Ես գրեթե միշտ ինձ երջանիկ եմ զգում:
- Ես ինքնավստահ եմ:
- Ես գրեթե երբեք չեմ կարմրում:
- Ի տարբերություն ընկերներիցս շատերի` բավականին համարձակ եմ:
- Ես գրեթե կարմրում եմ այնքան, որքան մյուսները:
- Հազվադեպ եմ ունենում սրտխփոց:
- Սովորաբար ձեռքերս բավականին տաք են:
- Ես ուրիշներից ավելի ամաչկոտ չեմ:
- Ես ինքնավստահության պակաս ունեմ:
- Երբեմն ինձ թվում է, որ որևէ բանի ունակ չեմ:
- Երբեմն անհանգստության այնպիսի պահեր են լինում, որ չեմ կարողնաում տեղում նստած մնալ:
- Ստամոքսս խիստ անհանգստացնում է ինձ:
- Ես ունեմ այնքան տոկունություն, որպեսզի կարողանամ հաղթահարել բոլոր խոչընդոտները:
- Կուզենայի բոլորի նման երջանիկ լինել:
- Ինձ երբեմն թվում է, թե իմ առջև ծառացել են այնպիսի դժվարություններ, որոնք երբեք չեմ կարողանա հաղթահարել:
- Հաճախ եմ մղձավանջներ տեսնում:
- Նկատել եմ, որ ձեռքերս սկսում են դողալ, երբ փորձում եմ ինչ-որ բան անել:
- Չափից շատ անհանգիստ եմ քնում:
- Ինձ հաճախ են անհանգստացնում հնարավոր անհաջողությունների մասին մտքերը:
- Երբեմն վախի զգացողությունը տանջում է ինձ նույնիսկ այն ժամանակ, երբ վստահ եմ` ոչ մի վտանգ չկա:
- Դժվար եմ կենտրոնանում աշխատանքի կամ ցանկացած այլ առաջադրանքի վրա:
- Բավականին լարված եմ աշխատում:
- Հաճախ եմ շփոթվում:
- Համարյա միշտ տագնապային վիճակում եմ գտնում ինչ-որ բանի կամ ինչ-որ մեկի պատճառով:
- Ամեն ինչին չափից լուրջ եմ վերաբերվում:
- Հաճախ եմ լալիս:
- Հաճած եմ սրտխառնոց զգում կամ փսխում:
- Ամսվա ընթացքում մեկ կամ մի քանի անգամ ստամոքսի խանգարում է նկատվում:
- Հաճախ եմ վախենում կարմրելուց:
- Մեծ դժվարությամբ եմ կենտրոնանում ինչ-որ բանի վրա:
- Իմ նյութական վիճակն ինձ շատ է անհանգստացնում:
- Հաճախ եմ այնպիսի մտքեր ունենում, որոնց մասին չեմ ուզում խոսել որևէ մեկի հետ:
- Եղել են դեպքեր, երբ տագնապի պատճառով չեմ կարողացել քնել:
- Երբեմն, երբ շատ շփոթված եմ լինում, ուժեղ քրտնարտադրություն է նկատվում: Այն ինձ շատ է անհանգստացնում:
- Նույնիսկ ցուրտ օրերին հեշտությամբ եմ քրտնում:
- Ժամանակ առ ժամանակ այնքան եմ հուզվում, որ դժվարությամբ եմ կարողանում քնել:
- Ինձ հեշտ է հուզելը:
- Երբեմն ինձ բացարձակ անպետք եմ զգում:
- Երբեմն թվում է, թե նյարդերս այնքան ջղաձգված են, որ նույնիսկ առանց պատճառի կարող եմ հունից դուրս գալ:
- Հաճախ եմ նկատում, որ ինձ ինչ-որ անհասկանալի բան տագնապի մեջ է պահում:
- Ես շատ ավելի զգայուն եմ, քան մարդկանց մեծամասնությունը:
- Ես համարյա միշտ քաղցի զգացողություն եմ ունենում:
- Սպասումն ինձ նյարդայնացնում է:
- Ինձ համար կյանքը նույնացվում է անսովոր լարվածության հետ:
- Սպասումն ինձ միշտ նյարդայնացնում է:
Չմոռանա՛ք նշել համարակալված պատասխանները
Պատրաստեց Արմինե Սարգսյանը