Նիհարելու գաղտնիքը շատ պարզ է` քիչ ուտել, շատ շարժվել: Թվում `է դժվար չէ, սակայն իրականում սննդակարգը փոփոխելը և նկատելի արդյունքների հասնելը բավականին բարդ է, քանի որ անընդհատ նույն սխալներն եք թույլ տալիս: Մի քանի խորհուրդ՝ ինչպես գրագետ հետևել դիետային:
Հայտնի է, որ մարդիկ, ովքեր սննդային օրագիր ունեն, ավելի արագ են նիհարում նման սովորություն չունեցող մարդկանց համեմատ: Սննդակարգը փոփոխելուց առաջ երկու շաբաթ սննդային օրագիր լրացրեք: Գրանցեք այն ամենը` ինչ կերել եք, ընդունած սննդի սննդային արժեքը, ճարպի, բջջանյութի և այլ նյութերի պարունակության մասին ինֆորմացիա: Սննդային օրագիրը հրաշալի գործիք է, որն օգնում է պարզել , թե հատկապես ի՞նչն է հարկավոր փոփոխել Ձեր սննդակարգում:
Վերանայե՛ք Ձեր կենսակերպն ու սննդային սովորությունները
Ուսումնասիրե՛ք Ձեր սննդային օրագիրը: Ո՞ր սովորություններն են ազդում սննդի Ձեր նախասիրությունների վրա: Առավոտյան ժամանակ չունե՞ք լիարժեք նախաճաշելու, երեկոյան սնունդ եք պատվիրում քանի որ շատ հոգնած եք ինչ որ-բան պատրաստելու համար: Պարզ լուծումներ գտեք, օրինակ՝ ամեն առավոտ մի փոքր վաղ արթնացեք, կամ հանգստյան օրերին շաբաթվա համար սնունդ պատրաստեք: Հաճախ կենսակերպի փոփոխությունները հանգեցնում են սննդակարգի փոփոխության:
Փոքր բաներից սկսեք
Ենթադրեքն՝ ցանկանում եք մարաթոն վազել, սակայն այս պահին առանց հևալու կարճ տարածություն էլ չեք կարող անցնել: Արդյո՞ք սա նշանակում է , որ երբեք չեք կարողանա հասնել ցանկալի արդյունքին: Ոչ, սա նշանակում է, որ դուք ընդամենը բավարար պատրաստված չեք: Սա վերաբերում է նաև ձեր սննդակարգի վերակառուցմանը: Եթե օրվա ընթացքում ընդունած կալորիաների քանակը նվազեցնեք մինչև 1500՝ Ձեր օրգանիզմն այնքան էլ գոհ չի լինի, և ամենայն հավանականությամբ, կձախողեք: Հետևաբար, սննդակարգի փոփոխություններն անհրաժեշտ է աստիճանաբար կատարել:
Փոխարինե՛ք սպիտակ հացը խոշորհատիկավորով առաջին շաբաթում, երկրորդ շաբաթվա ընթացքում կարտոֆիլի չիփսերի փոխարեն մրգեր կերեք, պակասեցրեք սուրճի, շաքարավազի և սերուցքի քանակը: Այս փոքր փոփոխություններն աննկատ կմոտեցնեն Ձեզ առողջ սննդակարգին:
Հետևեք սննդի ոչ միայն որակին, այլ նաև քանակին
Մարդիկ սովորաբար թերագնահատում են իրենց ընդունած սննդի քանակը: Կարող եք ռեստորաններին մեղադրել, քանի որ նրանք մեզ սովորեցրել են մեծ չափաբաժինների: Նույնիսկ դիետայի ընթացքում կարող եք ուտել Ձեր սիրելի ուտելիքը , միայն թե չափաբաժնին հետևելով: Շոկոլա՞դ եք սիրում, փորձեք բավարարվել օրական մի փոքր կտորով: Սակայն, եթե գիտեք, որ մի կտոր փորձելով ամբողջ տուփը միանգամից կվերջացնեք, լավ կլինի առհասարակ հրաժարվեք շոկոլադից:
Դիետայի ընթացքում փորձեք մտածել ոչ թե սպիտակ հացի ու պանրի մասին, այլ ասենք այն մասին, թե ինչքան օգտակար են մրգերն ու բանջարեղենը, որոնք ավելացրել եք Ձեր սննդակարգ: Առողջ սննդի սիրելի տեսակների ցանկ կազմեք և փորձեք հնարավորին չափ հաճախ օգտագործել այս սննդատեսակները:
Էքսպերիմենտ
Կազմեցի՞ք սիրելի սննդի ցանկ, հիանալի է: Այժմ ինչ որ նոր բան փորձելու ժամանակն է: Սովորություն դարձրեք շաբաթը մեկ անգամ նոր բաղադրամաս կամ ճաշատեսակ փորձելը: Հավատացեք, բրոկոլիով և այլ օգտակար մթերքներով բաղադրատոմսերի առատությունը Ձեզ կզարմացնի:
Ձեռքի տակ միշտ առողջ սննունդ ունեցեք
Ժամը 3-ն է, աշխատանքի վայրում եք, սոված եք: Սովորության համաձայն վազում եք մոտակա խանութ՝ շոկոլադ գնելու: Սա սխալ է: Պետք է միշտ առողջ սնունդ ունենաք մոտակայքում. մյուսլի,ընկույզ, մրգեր, բանջարեղեն...
Խրախուսե՛ք ինքներդ ձեզ
Ամիսը մեկ անգամ կամ առիթից առիթ կարող եք Ձեզ մի կտոր շոկոլադե տորթ թույլ տալ: Սակայն հիշե՛ք, այսպիսի թուլությունները պետք է հազվադեպ լինեն:
Նյութի սկզբնաղբյուրը՝ Zdorovieinfo.ru
Թարգմանված նյութի աղբյուրը՝ Doctors.am