Մենիսկը (մահիկ) բազմաֆունկցիոնալ օրգան է, որը կարեւորագույն դեր է կատարում ծնկան հոդում: Այն ունի երեք հիմնական ֆունկցիա՝
1. Մեխանիկական - մասնակցում է հոդի բիոմեխանիկային:
2. Կենսաբանական - մասնակցում է հոդի սնուցմանը, սինովիալ հեղուկի բնականոն շրջանառությանը:
3. Պաշտպանիչ - պաշտպանիչ միջադիրի դեր է խաղում վերին եւ ներքին ոսկրերի միջեւ՝ կանխելով դրանց շփումը:
Մենիսկի վնասումը զբաղեցնում է ծնկան հոդի ներքին կառուցվածքների վնասման մեջ առաջին տեղը: Ընդ որում՝ ներքին մենիսկն ավելի հաճախ է վնասվում, քան արտաքինը:
Մենիսկի վնասման հիմնական պատճառը տրավման է, որն առավել հաճախ հանդիպում է մարզիկների մոտ, ինչպես նաեւ տարեցների մոտ, քանի որ տարիքի հետ մենիսկը մաշվում է:
Մենիսկի վնասումները կարող են լինել ամբողջական եւ ոչ ամբողջական:
Ախտանշաններն են՝
- ցավեր ծնկան հոդում եւ շարժումների սահմանափակում հոդի «պաշարում»
- այտուցվածություն
Մենիսկի վնասման դեպքում հոդերում հնարավոր է հեղուկի առկայություն:
Մենիսկի վնասումը հնարավոր է ախտորոշել ուլտրաձայանյին հետազոտության միջոցով:
ՈՒՁՀ նշաններն են՝
- մենիսկը անհամասեռ կառուցվածք ունի
- եզրագծերը անհարթ են
- առկա է վնասման զոնա (մենիսկի մարմնի շրջանում կամ եզրային)
- մենիսկի ֆրագմենտացիա
- մենիսկի արտանկում
Այսօր ամբողջ աշխարհում 99% դեպքերում մենիսկը չի հեռացվում, այլ վերականգվում է, սակայն կա մենիսկի վիրահատության մի քանի տարբերակ՝ մենիսկի մարմնի ռեզեկցիա՝ մասնահատում, ամբողջական հեռացում եւ վերականգնում:
Վիրահատությունը կատարվում է ծնկան հոդում արթրոսկոպիայի միջոցով:
Աղբյուրը՝ Doctors.am
