Գիշերն անընդհատ արթնանալն ու այս ու այն կողմ շուռումուռ գալը, կամ պարզապես քնել չկարողանալը Ձեզ օրվա ընթացքում քնկոտ ու նյարդային կարող են դարձնել: Հավանաբար, բազմաթիվ միջոցներ եք փորձել անքնության դեմ, որոնք անօգուտ են եղել: Լավ նորությունն այն է, որ բուժման շատ ձևեր կան , որոնք կօգնեն Ձեզ քնել: Սակայն սկզբում անհրաժեշտ է պարզել անքնության պատճառը: Եթե բժշկական խնդիր ունեք, օրինակ՝ քրոնիկ ցավ, կամ էմոցիոնալ խնդիր` սթրես, դեպրեսիա, խնդրի լուծումը կօգնի ազատվել անքնությունից:
Անքնության բուժման մեթոդներն են վարքի ու կենսակերպի փոփոխություները (քնի հիգիենային հետևելը), դեղամիջոցներն ու ալտերնատիվ բժշկության որոշ միջոցներ:
Քննարկենք դրանցից ամենապարզն ու հասանելին` քնի հիգիենան
Քնելուն նախապատրաստվելը ավելին է , քան պարզապես անկողինը բացելը: Քնի մասնագետները գիտեն, որ շատ գործոններ կան, որոնք ազդում են ձեր քնի որակի վրա: Վարքի փոփոխություններն ու քնի հիգիենայի կանոնների պահպանումը բարելավում են քնի որակն ու կարճացնում քուն մտնելու համար անհրաժեշտ ժամանակահատվածը, առանց բացասաան ազդեցությունների, որոնք ունեն քնաբերները: Ահա մի քանի պարզ խորհուրդ, որոնց կարող եք հետևել՝ քնի որակը բարելավելու համար
- Հստակ ժամեր սահմանեք քնելու և արթնանալու համար
- Փորձեք թուլանալ անկողին մտնելուց առաջ
- Քնի համար հարմար միջավայր ստեղծեք (ոչ շատ շոգ, ոչ ցուրտ, ոչ աղմկոտ, մեղմ լուսավորությամբ)
- Խուսափեք ցերեկը ննջելուց
- Երեկոյան ալկոհոլ, կոֆեին կամ նիկոտին մի ընդունեք
- Քնելուց առաջ 4 ժամվա ընթացքում ֆիզիկական վարժութնուններ մի կատարեք
- Ուշ երեկոյան շատ մի կերեք
- Գիշերվա ընթացքում անըդհատ ժամացույցին մի հետևեք
- Ննջարանը միայն քնի և սեքսի համար օգտագործեք
Թարգմանված նյութի աղբյուրը՝ Doctors.am
Սկզբնաղբյուր՝ Webmd.com
