Մարտի 1-ը աշխարհում նշվում է որպես իմունիտետի համաշխարհային օր: Օրը պատահական չի ընտրվել. չէ՞ որ իմունիտետի հետ կապված խնդիրները սրվում են հենց գարնան սկզբին:
Այս օրվա նպատակն է աշխարհի բնակչությանը տեղեկացնել իմունային համակարգի նշանակության, գործունեության և այն բարելավելու միջոցների մասին:
Առողջ ապրելակերպի հետ կապված ցանկացած գործոն դրական է ազդում մեր իմունային համակարգի վրա՝ այն դարձնելով է՛լ ավելի դիմացկուն: Մեր առողջության հիմքն են հանդիսանում այնպիսի սովորական գործունները, ինչպիսիք են առողջ քունը և սննդի հավասարակշռված ընդունումը:
Հաճախակի մրսածությունը, քրոնիկ հոգնածությունը, խախտված քունը, հոդային և մկանային ցավերը, ջերմության բարձրացումը, գլխացավը, մաշկային ցանը հաճախ իմունային համակարգում առաջացած խնդիրների հետևանքներ են:
Իմունային համակարգը քայքայող գործոնները շատ են.
- երկարատև սթրես,
- քաղց և ոչ ստաբիլ սնունդ,
- վիտամինների և միկրոէլեմենտների պակաս,
- ֆիզիկական գերծանրաբեռնվածություն,
- վնասվածքներ, այրվածքներ, վիրահատություններ,
- շրջակա միջավայրի աղտոտվածություն,
- առանց բժշկի ցուցման դեղերի կիրառում...
Մեր օրգանիզմը, ինչպես նաև իմունիտետը առողջ են պահում ճիշտ սնունդը, ստաբիլ քունը, շարժուն կենսակերպը, ծխախոտի և ալկոհոլի բացառումը, հիգիենան և հոգեբանական հանգստությունը:
Իմունիտետի համաշխարհային օրը ևս մեկ հնարավորություն է շեշտելու առողջ ապրելակերպի կարևորությունը, քանի որ առողջ իմունիտետը թույլ է տալիս խուսափել մի շարք հիվանդություններից, ապրել առողջ և լիարժեք կյանքով:
Սկզբնաղբյուրը՝ Doctors.am
01 մարտի, 2016