Լապարասկոպիկ ներվիրահատական ուլտրաձայնային հետազոտության արդյունավետությունը խոլեդոխոլիթիազների ախտորոշման ժամանակ

Լապարասկոպիկ ներվիրահատական ուլտրաձայնային հետազոտության արդյունավետությունը խոլեդոխոլիթիազների ախտորոշման ժամանակ

Ներածություն
Խոլեդոխոլիթիազով բարդացած խոլեցիստիտների ախտորոշումը և բուժումը մնում է աբդոմինալ վիրա­բուժության արդիական խնդիրներից մեկը: Շատ հաճախ անհրաժեշտություն է առաջանում խոլեդո­խոլի­թիազը ախտորոշել ներվիրահատական մեթոդ­ներով, քանի որ նախավիրահատական շրջանում ոչ միշտ է հաջողվում հաստատել քարերի առկայությունը ընդհանուր լեղածորանում: Այժմ, որպես ներվիրա­հա­տական ախտորոշման լավագույն մեթոդ լայնորեն օգտա­գործվում է լապարոսկոպիկ, ներվիրա­հատա­կան ՈՒՁՀ-ը:

Նյութեր և մեթոդներ:

Հետազոտությունն անց է կացվել Մալաթիա ԲԿ–ի ԱԱԻ Էնդոսկոպիկ վիրաբուժության ամբիոնում 42 հիվանդների մոտ: Ներվիրահատական ուլտրաձայ­նա­յին հետազոտության համար օգտագործվում է սոնո­գրա­ֆիայի տրանսէզոֆագիալ (5,5Մհց) հաղո­րդակ (ALOKA):

Լապարոսկոպիկ, ներվիրահատական ՈՒՁՀ ԼԽԷ-ի ժամանակ կիրառվում է հետևյալ ցուցումներով.

• - դեղնություն անամնեզում:
• - խոլեդոխոլիթիազի նախավիրահատական ոչ հստակ ախտորոշում. լեղու արտահոսքի խանգարման բիոքիմիական նշաններ(բիլիռուբինի, տրանսամինազաների, հիմնային ֆոսֆատազայի մակարդակի բարձրացում)` սոնոգրաֆիկ նորմալ տրամագծով և քարերի բացակայությամբ ընդհա­նուր լեղածորանի ֆոնի վրա:
• - վիրահատության ընթացքում դիտարկվող մի շարք պատճառներ. տեսանելի լայնացած խոլեդոխ, գործիքով շոշափվող պնդություն, ենթաստամոքսա­յին գեղձի այտուցված գլխիկ:

Արդյունքների քննարկում:

Այսպես, ներվիրահատական ՈՒՁՀ-ի կատարման համար հակացուցումներ չկան և կարելի է կատարել բազմաթիվ անգամ` ստանալով լայնածավալ ինֆոր­մա­ցիա: Հետազոտության համար պահանջվում է 5-15 րոպե: Այստղեղ նշանակություն ունի նաև ֆինանսա-տնտեսական կողմը. հետազոտությունը շատ էժան է` համեմատած ներվիրահատական ախտորոշման մյուս մեթոդների հետ և հաշվի է առնվում միայն սարքա­վորումների մաշվածքամարումը:

42 հիվանդներից քարեր հայտնաբեվել են 16 դեպքում: 26 հիվանդներից, որոնց մոտ քարեր չէին հայտնաբերվել, 3-ի մոտ հետագայում հայտնաբերվել են մնացորդային(ռեզիդուալ) քարեր (կեղծ բացա­սա­կան արդյունք): Սա պայմանավորված է ընդհանուր լեղա­ծորանի տերմինալ հատվածում տեղակայված շատ մանր քարերի առկայությամբ: Եվ 16 հիվանդ­ներից, որոնց մոտ քարեր էին հայտնաբերվել, 2 հիվանդի մոտ հետագա բուժման ընթացքում որպես քար ընդունվել էր լեղային թաձր մածուկը (կեղծ դրական արդյունք): Հետվիրահատական շրջանում, ներ­վիրա­հատական ՈՒՁՀ կիրառումից հետո, կապված հետազոտության հետ մենք բարդություններ չենք ունեցել:

Եզրակացություն

1. 1. Լապարասկոպիկ ՈՒՁՀ կիրառումը բավականին մեծացնում է խոլեդոխոլիթիազների ներվիրահա­տա­կան ախտորոշման արդյունավետությունը:
2. 2. Լապարասկոպիկ ներվիրահատական ՈՒՁՀ-ը պետք է կիրառել որոշակի ցուցումների համաձայն: