1. «Վիժումը առաջանում է վիճաբանությունից կամ սթրեսից»
    Իրականությունը հետևյալն է․ վիժումների մոտ 80%-ը պայմանավորված է սաղմի քրոմոսոմային անոմալիաներով։ Սթրեսը կարող է բացասաբար ազդել կնոջ ընդհանուր ինքնազգացողության վրա, սակայն հիմնական պատճառը սովորաբար գենետիկական է։

  2. «Ֆիզիկական ակտիվությունն ու սեռական հարաբերությունը առաջացնում են վիժում»
    Իրականությունը․ չափավոր ֆիզիկական ակտիվությունն ու սեռական հարաբերությունը չեն համարվում վիժման պատճառ, եթե բժիշկը հատուկ սահմանափակումներ չի սահմանել։

  3. «Վիժումը եղավ, որովհետև աշխատում էի համակարգչի առջև կամ երթևեկում էի մետրոյով / ինքնաթիռով»
    Իրականությունը․ այս գործոնները ինքնուրույն չեն կարող հանդիսանալ վիժման բուն պատճառ։

  4. «Վիտամիններ (հատկապես ֆոլաթթու) օգտագործելով՝ վիժում չի լինի»
    Իրականությունը․ վիտամինները կարևոր են հղիության պլանավորման փուլում, սակայն դրանք 100% չեն կանխարգելում ինքնաբեր վիժումը։

  5. «Ուլտրաձայնային հետազոտությունը, հատկապես ներհեշտոցայինը, վիժում է առաջացնում»
    Իրականությունը․ ժամանակակից ուլտրաձայնային սարքավորումները անվտանգ են և կարևոր դեր ունեն սաղմի վիճակը ժամանակին գնահատելու և հնարավոր ռիսկերը հայտնաբերելու համար։

  6. «Վիժման մեջ մեղավոր է կինը»
    Իրականությունը․ դուք մեղավոր չեք։ Ամենահաճախ պատճառը սաղմի գենետիկ խնդիրներն են, այնուհետև՝ արյան մակարդման խանգարումները և այլ բժշկական գործոններ։

Կարևոր ուղերձ զույգերին․
Խոսեք միմյանց հետ, մի մեղադրեք ձեզ կամ ձեր զուգընկերոջը և հենվեք ապացուցողական բժշկության վրա հիմնված փաստերի վրա։ Ճիշտ տեղեկատվությունը աջակցում է ճիշտ որոշումների կայացմանը և հոգեկան կայունությանը։

Քնարիկ Ալեքսանդրյան

Մանկաբարձ-գինեկոլոգ, ռեպրոդուկտոլոգ