Մեր պատմությունը
«Վիտա Մեդ» բժշկական կենտրոնի պատմությունը սկսում է 2018 թ-ից, երբ մեր հիմնադիր-տնօրեն Վ․ Մանուկյանը Արցախում որոշեց և 6 ամսվա ընթացքում իրականություն դարձրեց Արցախում առաջին մասնավոր, ապացուցողական բժշկության տվյալների վրա հիմնված, պացիենտակենտրոն, ընդամենը 100 քմ տարածքում ծավալված, 6 անուն գործունեության տեսակով լիցենզավորված «Վիտամեդ Պլյուս» բժշկական կենտրոնը, որը կարճ ժամանակում ստեղծեց բարի համբավ և արցախցիների համար դարձավ հետազոտությունների իրականացման և բուժման համար Երևան մեկնելուն այլընտրանք։
2018 թ-ին, պրոյեկտի սկզբից Վ․ Մանուկյանը աշխատանքի ընդունեց բժիշկ-լաբորանտ Անուշ Վերդյանին, որի մեծագույն ներդրման շնորհիվ կայացավ «Վիտամեդ Պլյուս» բժշկական կենտրոնի լաբորատոր ծառայությունը։ 2019 թ-ին Վ․ Մանուկյանը և Ա․ Վերդյանը ամուսնացան, և երկուսի երազանքների համադրմամբ ծագեց Հայաստանում «Վիտա Մեդ» բժշկական կենտրոնների ցանց հիմնելու գաղափարը։
2021 թ-ին սկսվեցին գաղափարի իրականացման քայլերը, և արդեն 2022 թ-ի հունիսի 11-ին Երևանի Աջափնյակ վարչական շրջանում, Բեկնազարյան 3/6 հասցեում բացվեց երևանյան առաջին մասնաճյուղը՝ 19 անուն գործունեության տեսակներով լիցենզիայով, 276 քմ մակերեսով տարածքում։ Արդեն օգոստոս ամսին Ստեփանավան քաղաքում բացվեց մարզային առաջին մասնաճյուղը, որը Ստեփանավան համայնքում եզակի էր իր կազմակերպաիրավական ձևով, ծառայությունների տեսակով և որակով:
Մեր առաքելությունը
Մեր առաքելությունն է Երևանի և մարզերի բնակիչներին ու օտարերկրացիներին մատուցել որակյալ, ապացուցողական բժշկության տվյալների վրա հիմնված բժշկական ծառայություններ, ստեղծել արհեստավարժ մասնագետներից կազմված թիմ և սահմանել որակի նոր նշաձող, որը չի լինի ավելի ցածր, քան միջազգային չափորոշիչներն են և հասնել բուժառու-բուժաշխատող նոր որակի հարաբերությունների, որտեղ առանցքային կլինեն վստահությունը, հոգատարությունը և ազնվությունը:
Ընդունելության ժամերն են՝
Երկուշաբթի-Ուրբաթ 9։00-19։00
Շաբաթ 10։00-15։00
Կիրակի 10։00-13։00
Ծառայություններ
Լաբորատորիա
Տնային կանչ