Կարգախոս
Լինել hանրապետության առաջատար բժշկական կազմակերպությունը` կիրառելով առողջապահական ոլորտի վերջին նվաճումները և բավարարել բնակչության առողջական կարիքները` ցուցաբերելով պացիենտակենտրոն մոտեցում: Oժանդակել երիտասարդ մասնագետների կրթությանն ու մասնագիտական աճին` միաժամանակ բարձրացնելով բուժաշխատողի հեղինակությունը հասարակության մեջ:
«Սուրբ Աստվածամայր» բժշկական կենտրոնը Հայաստանում բնակչությանը բուժօգնություն տրամադրող ամենամեծ և բազմապրոֆիլային բուժհաստատություններից է:
Բժշկական կենտրոնի կազմում գործող ստացիոնարը տարեկան սպասարկում է մինչև 15000 հոսպիտալացվող պացիենտ, իսկ Արտաշիսյան պոլիկլինիկան ՝ մոտ 42000 բնակչություն:
«Սուրբ Աստվածամայր» ԲԿ-ն բազմաֆունկցիոնալ ստացիոնար է, որտեղ կան ինչպես թերապևտիկ (նորածնային պաթոլոգիայի, ընդհանուր մանկաբուժական, նյարդաբանական, գաստրոէնտերոլոգիական և այլն), այնպես էլ վիրաբուժական (նյարդավիրաբուժության, դիմածնոտային վիրաբուժության, վնասվածքաբանության և օրթոպեդիայի, մանկական կրծքային վիրաբուժության, մանկական և նորածնային վիրաբուժության, քիթ-կոկորդ-ականջի, պլաստիկ և միկրովիրաբուժության) բաժանմունքներ: Հիվանդանոցում գործում է 3-րդ մակարդակի մանկական վերակենդանացման բաժանմունք` 24 մահճակալով: Առկա է վերականգնողական և ֆիզիոթերապիայի բաժանմունք:
Բժշկական կենտրոնը հագեցած է բոլոր ժամանակակից ախտորոշիչ սարքավորումներով (ռենտգեն, ԿՏ, ԷԷԳ, ԷՍԳ և ԷԽՈ-ՍԳ, ՈՒՁՀ, բրոնխո-, գաստրո-, կոլոնոսկոպիա և այլն), գործում է նաև հզոր լաբորատոր ծառայություն (ընդհանուր կլինիկական, բիոքիմիական, իմունոքիմիական):
Բոլոր վերոնշյալ ծառայությունները գործում են 24/7 ռեժիմով, քանի որ «Սուրբ Աստվածամայր» ԲԿ-ն հանդիսանում է ՀՀ և Արցախի բնակչության համար գործող տրավմա կենտրոն, որտեղ բուժում են ստանում մինչև 18 տարեկան բոլոր ծանր և համակցված վնասվածքներով պացիենտները: Այստեղ են բուժվում նաև Հայաստանի Հանրապետությունում և Արցախի Հանրապետությունում արատներով ծնված և վիրահատական բուժում պահանջող նորածինների գերակշռող մասը:
Բժշկական կենտրոնը հանդիսանում է գիտաուսումնական բազա ԵՊԲՀ մի քանի ամբիոնների համար, որոնց թվում մանկական վիրաբուժության, նյարդավիրաբուժության, մանկական ստոմատոլոգիայի և օրթոդոնտիայի, անեստեզիոլոգիա-ռեանիմատոլոգիայի, ընդհանուր մանկաբուժության, քիթ-կոկորդ-ականջաբանության և ռադիոլոգիայի ամբիոններն են:
ԿԵՆՏՐՈՆԻ ԿԱՌՈՒՑՎԱԾՔԸ
Մանուկների և մեծահասակների ստացիոնար`
Բժշկական կենտրոնը համագործակցում է մայրաքաղաքի և մարզերի բուժհաստատությունների, ինչպես նաև օտարերկրյա մասնագետների հետ, որոնցից շատերը բազմաթիվ բարդ վիրահատություններ են կատարել հիվանդանոցում:
«Սուրբ Աստվածամայր» բժշկական կենտրոնն ունի շարունակական համագործակցության ծրագրեր Ռուսաստանի, Ֆրանսիայի, Գերմանիայի, Իտալիայի և ԱՄՆ-ի անհատ բժիշկների և բժշկական կենտրոնների հետ: Բժշկական կենտրոնի մասնագետներն անցել են բազմաթիվ վերապատրաստումներ թե վերոնշյալ երկրների, և թե Ավստրիայի, Ճապոնիայի ու շատ այլ արտերկրյա հեղինակավոր կլինիկաներում:
Բժշկական կենտրոնում բուժսպասարկումը ներառում է՝
ԲՈՒԺՄԱՆ ՄԵԹՈԴՆԵՐ
Կոնսերվատիվ թերապիան իրականացվում է բժշկական գիտությունների վերջին ձեռքբերումների համաձայն: Այն ընդգրկում է` նեյրովիրաբուժություն, թոքային, օտորինոլարինգոլոգիական, դիմածնոտային վիրաբուժություն, ոսկրերի և հոդերի վիրաբուժություն, էնդոսկոպիկ վիրաբուժություն, լապարասկոպիա, օտորինոլարինգոլոգիական օրգանների էնդոսկոպիկ վիրաբուժություն, գերձայնային հետազոտություն: