Շաքարախտային ոտնաթաթի հայկական ասոցիացիայի նպատակն է իրականացնել շաքարախտային ոտնաթաթի հիվանդության կանխարգելմանը և բուժմանը նպաստող բազմաբնույթ միջոցառումներ՝ բարձրացնելով համապասասխան բուժօգնության մակարդակը և օգտվելով արդի միջազգային ապացուցելի բժշկագիտության կողմից ընդունված այն չափորոշիչներից և ուղեցույցներից, որոնք հնարավորություն են ընձեռում կանխել շաքարախտով պայմանավորված ստորին վերջույթների անդամահատումները կամ հասցնել դրանց թիվը նվազագույնի:
Մեր կազմակերպության նպատակներից է նաև բնակչության իրազեկումը ինչպես շաքարախտի և դրա հետ կապված բարդությունների, այնպես էլ` հնարավոր ապաքինման և լիարժեք վերականգննման հնարավորությունների մասին:
Միավորելով հայ և հայաստանյան շաքարախտային ոտնաթաթի մասնագետներին ՇՈՀԱ-ը նպատակ ունի ստեղծել միասնական բազմադիսցիպլինար խումբ, որի միացյալ ջանքերով հնարավոր կլինի արդյունավետ պայքար տանել շաքարախտային ոտնաթաթի լայնածավալ տարածման դեմ Հայաստանում և Արցախում: Հանրապետությունում ստեղծելով մեկ փոխհամագործակցող և համապատասխան մասնագիտական պատրաստվածություն ունեցող մասնագետների ցանց` կունենանք մի համակարգ, որը տեղերում կբացահայտի հիվանդներին հիվանդության սկզբնական փուլում` օպերատիվ գրանցելով վերջիններիս տվյալները և ուղղորդելով նրանց շաքարախտային ոտնաթաթի մասհագիտացմում ունեցող համապատասխան բաժանմունք:
Կատարելով շաքարախտային ոտնաթաթի հիվանդների պլանավորված հաշվառում` կհստակեցվի վերոհիշյալ հիվանդության էպիդեմիոլոգիական պատկերը, ինչը կլրացնի վիճակագրական տվյալների բացը Հայաստանում և Արցախում: