Երեխաների զարգացման միջազգային կենտրոն

Երեխաների զարգացման միջազգային կենտրոնը (ICDC) շահույթ չհետապնդող վաղ միջամտության կենտրոն է, որը հիմնադրվել է Հայաստանում 2006 թվականին՝ դոկտոր Այրա Փոլ Հեյլվեյլի, PhD, BCBA-D, QBA, կողմից։ 2010 թվականից կենտրոնը ղեկավարում է գործադիր տնօրեն Նարինե Վարդանյանը, MA, QBA։

Դպրոցում իրականացվող ծրագիր
2010 թվականին ICDC-ի կողմից հանրակրթական դպրոցում հիմնադրվել է ռեսուրսային դասարան (թիվ 126 դպրոց) ՝ աուտիզմ և զարգացման այլ առանձնահատկություններ ունեցող երեխաների կրթական ներառմանը և դպրոցական կյանքին լիարժեք մասնակցությանը աջակցելու նպատակով։
Ռեսուրսային դասարանում երեխաները ստանում են իրենց անհատական կարիքներին համապատասխան կրթական և վարքային աջակցություն։ Աշխատանքն ուղղված է հաղորդակցման, սոցիալական փոխգործակցության, դասարանական կանոններին հետևելու, ուսումնական առաջադրանքներին մասնակցելու և ինքնուրույնության հմտությունների զարգացմանը։
Աջակցությունն իրականացվում է ուսուցիչների, դպրոցի մասնագետների և ընտանիքի հետ համագործակցությամբ՝ նպաստելով երեխայի առավել ակտիվ և ինքնուրույն մասնակցությանը հանրակրթական միջավայրում։

Մասնագիտական վերապատրաստում
2022 թվականից ICDC-ն հանդիսանում է Applied Behavior Analysis Technician (ABAT) որակավորման հաստատված դասընթացավար՝ Qualified Applied Behavior Analysis Credentialing Board-ի շրջանակում։ ABAT դասընթացը պատրաստում է մասնագետների՝ վարքային վերլուծության հիմնարար սկզբունքները գործնական աշխատանքում կիրառելու համար։

ICDC-ն նաև կազմակերպում է սեմինարներ, աշխատաժողովներ, սուպերվիզիա, գործնական վերապատրաստումներ և կրթական ծրագրեր մասնագետների ու ծնողների համար։

Առաքելություն
Վաղ միջամտության, բազմամասնագիտական թերապևտիկ ծառայությունների, դպրոցական ծրագրի աջակցության, մասնագիտական վերապատրաստման, ծնողական կրթության, ներառական կրթության, հետազոտական գործունեության և միջազգային համագործակցության միջոցով ICDC-ն նպաստում է Հայաստանում երեխաներին և ընտանիքներին տրամադրվող ծառայությունների որակի բարձրացմանը։