«ԴԴՍ» թվային ախտորոշման և պլանավորման կենտրոն
Երբ ախտորոշումն առավել կարևոր է …
Մենք մշակել ենք այնպիսի աշխատանքային համակարգ, որը թույլ կտա մեզ հետ համագործակցել բոլոր այն բժշկական կենտրոններին, կլինիկաներին և բժիշկներին, ովքեր կարևորում և ցանկանում են իրենց պացիենտներին տրամադրել միմիայն որակյալ ախտորոշում՝ թվային եղանակով:
«ԴԴՍ» Կենտրոնը հագեցած է գերժամանակակից թվային տեխնոլոգիաներով և ունի հմուտ անձնակազմ, ովքեր 10 տարուց ավելի մասնագիտացած են թվային տեխնոլոգիաների կիրառման ոլորտում, ինչը թույլ է տալիս պացիենտի ֆիզիկական պատկերից ստանալ վիրտուալ պատկեր՝ մաքսիմալ ճշգրտությամբ: Մեր կենտրոնում բուժման պլանավորում և խորհրդատվություն տրամադրում է Արտակ Անդրանիկի Քերոբյանը, ով հաճախակի գտնվում է Մոսկվայում, և խորհրդատվություն է տրամադրում հատկապես բարդ դեպքերի հետ կապված:
Կենտրոնում կիրառվում է Planmeca գերժամանակակից համակարգչային տոմոգրաֆիայի սարքավորումը, որը ոլորտում առաջատարներից է, ունի ճառագայթման մինիմալ աստիճան, ուստի անվտանգ է նաև փոքրիկների համար: Սարքն ունի շարժումների ուղղման խելացի ալգորիթմ, ինչի շնորհիվ կրկնակի շարժումները, դողոցները չեղարկվում են։ Հստակ երևում է ոսկորի խտությունը, կառուցվածքը, չափսերը: Յուրահատուկ ներկառուցված տեսախցիկների շնորհիվ ստանում ենք բարձր որակի 3Դ պատկեր, որը հետագայում սկանի հետ համադրելով ստանում ենք մաքսիմալ ճշգրիտ արդյունք:
Օգտագործելով 3Shape ֆիրմայի վերջին սերնդի ներբերանային սկաները, ստանում ենք բերանի խոռոչի սկան՝ թվային բարձր ճշգրտությամբ: Կծվածքը՝ վերին ծնոտ, ստորին ծնոտ, բացակա ատամ և այլն՝ պացիենտի կոնկրետ դեպքին համապատասխան:
Ըստ անհրաժեշտության ստանում ենք պացիենտի фото протокол: Համապատասխան ծրագրերի միջոցով պացիենտը նախքան բուժումը սկսելը կարողանում է տեսնել, թե ինչպիսի տեսք կունենա ատամնաշարը աշխատանքի ավարտից հետո:
Մեզ մոտ պացիենտն ըստ անհրաժեշտության անցնում է նաև արյան հետազոտություն՝ հետագա բուժման ընթացքում (իմպլանտացիա, վիրաբուժություն) բարդություններից խուսափելու նպատակով։
Պացիենտին ֆիզիկական վիճակից բերում ենք վիրտուալ վիճակի՝ ամբողջ ինֆորմացիան ստանալով թվային կոորդինատներով: 10 տարվա փորձառություն ունեցող մեր հմուտ մասնագետները սկսում են մշակել ֆայլերը, պլանավորել բուժման գործընթացը: Մասնագետները աշխատում են Implant Studio, Ortho analayzer, Smile design ծրագրերով, կարողանում են անգամ թվային տարբերակով որոշել ատամի գույնը:
Implant Studio ծրագրով ընտրվում է իմպլանտների օպտիմալ դիրքը, նախագծվում և աճեցվում վիրաբուժական շաբլոն՝ որն օգնում է բժշկին ստանալ նախապես պլանավորված կանխատեսելի արդյունքը։
Հաշվի առնելով պացիենտի էսթետիկ և ֆունկցիոնալ շեղումները Ortho analayzer ծրագրի միջոցով բժիշկ օրթոդոնտը կազմում է բուժման պլանավորում, որը կարող է լինել ինչպես բրեկետ համակարգերով, այնպես էլ էլայներներով: Ըստ պլանի՝ բուժման յուրաքանչյուր փուլին համապատասխան՝ աճեցվում են 3D մոդելներ, որոնց հիման վրա պատրաստվում են էլայներները:
Smile design ծրագրի օգնությամբ պացիենտը հնարավորություն ունի արդեն բուժման սկզբում տեսնել վերջնական արդյունքը։
Ծառայություններ
Գտեք մեզ QR կոդի միջոցով