«ԲիոՄեդ» ախտորոշման լաբորատորիա

«ԲիոՄեդ» ախտորոշման լաբորատորիան հիմնադրվել է 2009 թվականին: Լաբորատորիայի ստեղծման հիմնական նպատակն է եղել բնակչության համար ապահովել որակյալ հետազոտությունների լայն շրջանակ և գնային ճկուն համակարգ մեկ վայրում: Այստեղ առավել մատչելի են այն հետազոտությունները, որոնց պահանջարկն ավելի մեծ է:

Լաբորատորիայում աշխատում են որակավորում ստացած ինչպես փորձառու, այնպես էլ երիատասարդ բժիշկ լաբորանտներ:

Հետազոտություններն իրականացվում են ոլորտում լավագույն, համաշխարհային ճանաչում ունեցող ընկերությունների ամենավերջին սարքավորումներով, իչպիսիք են՝

• Շվեյցարական Roche ընկերության Cobas e 411 (Իմունոլոգիական), Cobas c311 (Բիոքիմիական), 9180 Electrolyte analyser (Էլեկտրոլիտներ):
• Ճապոնական Sysmex XN-350, Sysmex XS 500i (Կլինիկական):  
• ֆրանսիական STAGO ընկերության Start 4 ևStart Max, (Մակարդելիության):
• Գերմանական Rotor Gene Q (ՊՇՌ հետազոտություններ):

Որակի հսկողությունն իրականացվում է բազմաթիվ մակարդակներում՝ կիրառելով որակի վերահսկման թե՛ արտաքին և թե՛ ներքին մեխանիզմները: Լաբորատորիան համագործակցում է Գերմանիայի Բիոհետազոտությունների Ռեֆերենս ինստիտուտի հետ (Reference Institute for Bioanalytics), որը հետազոտությունների արտաքին, միջազգային հսկողություն իրականացնող կենտրոն է:

«ԲիոՄեդ» ախտորոշման լաբորատորիան ստացել է ISO 9001:2015 հավաստագիրը միջազգային (կանադական) PECB հեղինակավոր ընկերության կողմից:

Մենք մշտապես հետևում ենք ոլորտի զարգացումներին միջազգային մակարդակում, մասնակցում տարբեր մասնագիտական կոնֆերանսների, կիրառում նոր տեխնոլոգիաներ ու մասնագիտական հմտություններ հետազոտություններն ավելի որակյալ դարձնելու համար: