Մարդկանց հետ իրականացվող աշխատանքը՝ հոգեբանական, մանկավարժական, ժամանցային և այլն, միշտ էլ պահանջել ու պահանջում է կրկնակի պատասխանատվություն ու պատրաստվածություն։ Հիմքը, որ սերմանվում է մանկուց մեծահասակների կողմից, մեզ ուղեկցում է ողջ կյանքի ընթացքում, և չափազանց կարևոր է ՝ անհատականությունն ու վարքագիծը ճիշտ հունով ուղորդելը, իսկ շեղումների դեպքում՝ դրանք ժամանակին կանխարգելելը կամ շտկելը։
Իհարկե, այս առումով անգնահատելի է ոչ միայն ընտանիքի ու կրթօջախների, այլև` հոգեբանների ճիշտ դերակատարումը։ Մերօրյա նոր սերնդի աճն ու ձևավորումը գրեթե անհնար է պատկերացնել առանց հոգեբանների մասնակցության: Նրանք երեխաների խնդիրներում ներգրավված են ոչ միայն արտերկրում, այլև՝ Հայաստանում, որտեղ հատկապես վերջին 10-20 տարիների ընթացքում շեշտակի աճել է հետաքրքրությունը մանուկների հոգեբանությամբ զբաղվող մասնագետների ծառայությունների նկատմամբ։ Հաջորդաբար հիմնվում և գործում են մանկական հոգեբանական կենտրոններ, որոշները՝ բավականաչափ արդյունավետ, որոշները՝ ոչ բավականաչափ արդյունավետ, սակայն փաստն այն է, որ այդ կենտրոնների պահանջարկը մեզանում մեծ է, հետևաբար՝ դրանք պիտի առավելագույնս ծառայեն նպատակին և օգնեն ծնողներին՝ լուծելու հաճախ անլուծելի թվացող խնդիրները։
«Բանալի» ընտանիքի կենտրոնն ի սկզբանե ձգտել է ապահովել երեխաների և ընտանիքների հետ աշխատանքի բարձր արդյունավետություն, ինչը, հաջողվել է։ Կենտրոնի հաջողության բանալին կիրառվող «Բանալի» մեթոդն է։
Այդպիսով, մեթոդը հանդիսանում է բազմակողմանի ուսումնասիրությունների վրա հիմնված յուրօրինակ մի համադրում ֆրանսիական հոգեվերլուծական դպրոցի, խորհրդային մանկավարժական դպրոցի և հայկական ընտանեկան ավանդույթների առանցքային սկզբունքների (մեթոդի հեղինակն է, «Բանալի» ընտանիքի կենտրոնի հիմնադիր, ֆրանսիական հոգեվերլուծական դպրոցի հոգեթերապևտ, ընտանեկան հոգեբան՝ Նարինե Իսրայելյանը):
Այս ամենն էլ իր հերթին համապատասխանեցված է մեր ժամանակների շնչին ու պահանջներին։ Հաշվի է առնված նաև ընտանիք-ծնող-երեխա հարաբերությունների ուսումնասիրման միջազգային փորձը։ Համադրված երեք ուղղություններից յուրաքանչյուրը մեթոդի շրջանակներում ներկայացված է իր ամենաթիրախային առավելություններով, որոնք կիրառելի են և ժամանակավրեպ չեն։
Ծառայություններ