Սկսվում է «Բժշկության առաջնորդություն» նորարարական ծրագրի 3-րդ խմբի ընդունելությունը, նախատեսված բժշկության ապագա առաջնորդների համար։
Այն կտևի 6 ամիս՝ շաբաթական 2 անգամ, դասախոսները ոլորտի առաջատար մասնագետներն են։ Նրանք կկիսվեն իրենց հաջողության բանաձևերով, կներկայացնեն հմտություններ, որոնք կարևոր են առաջնորդելու և հաջողության հասնելու համար: Հանգիստ և տրամադրող միջավայրում ծրագրի մասնակիցները հնարավորություն կունենան շփվելու և քննարկելու իրենց հետաքրքրող հարցերը մեր բանախոսների հետ, ինչպես նաև ձեռք բերելու նոր կապեր և կարևոր ծանոթություններ:
Ծրագիրը մշակվել է Առաջնորդության զարգացման և ինովացիաների ակադեմիայի, Ուիգմոր Քլինիքի և Doctors.am-ի կողմից:
Ծրագրին մասնակցության արժեքն է՝ ամսական 50,000 դրամ: Առկա են կրթաթոշակներ, որոնք կտրվեն ընտրական հանձնաժողովի կողմից՝ հիմնվելով տրամադրված փաստաթղթերի և հիմնավորումների վրա: Ծրագիրը հաջողությամբ ավարտողներին կտրվի վկայական:
«Բժշկության առաջնորդություն» նորարարական ծրագիրը ղեկավարում են Զավեն Քոլոյանը և Գևորգ Թամամյանը:
Ծրագրին դիմելու համար անհրաժեշտ է մինչև սույն թվականի սեպտեմբերի 10-ը լրացնել ստորև նշված դիմում - հարցաթերթիկը՝ կցելով անհրաժեշտ փաստաթղթերը: Կրթաթոշակի համար դիմելու դեպքում անհրաժեշտ է կցել նաև CV-ն, 1 երաշխավորող նամակ (recommendation letter) և հիմնավորում (cover letter):
https://forms.gle/68GbC34q7AKqHUcM8
Նախնական փուլն անցած մասնակիցները կհրավիրվեն հարցազրույցի:
Ծրագրի սկիզբը՝ 2022թ. հոկտեմբերի 1-ին:
