Տարեկան 8.6 մլն մարդ վարակվում է տուբերկուլյոզով, 1.3 մլն մահանում է: Համաձայն Առողջապահության համաշխարհային կազմակերպության տվյալների՝ վաղ ախտորոշումն ու բուժումը առաջնային են տուբերկուլյոզի դեմ պայքարում:
Գիտնականները հայտնաբերել են տուբերկուլյոզի ախտորոշման առաջին շնչառական թեստը: Այն կարճ ժամանակահատվածում տեղեկություն է տալիս հակաբիոտիկակայունության մասին, ինչը ստանդարտ մեթոդով որոշելու համար վեց շաբաթ ժամանակ է հարկավոր: Տուբերկուլյոզի բակտերիան ինհալյացիոն հակաբիոտիկների ազդեցությանը 10 րոպե ենթարկվելուց հետո, յուրօրինակ գազ է արտազատում :
Նոր հետազոտության ընթացքում կիրառվել է իզոնիազիդի ինհալյացիոն ձևը: Իզոնիազիդը տուբերկուլյոզի բուժման մեջ կիրառվող ստանդարտ դեդամիջոցներից է:
Հետազոտության ընթացքում նապաստակներին տվել են իզոնիազիդի հատուկ նշված մոլեկուլներ: Տոլբերկուլյոզի առկայության դեպքում, նրանց թոքերից անջատվել է ազոտ, որը հայտնաբերվել է մասս սպեկտրոմետր կոչվող սարքի միջոցով:
Դրական արդյունքը հաստատում է տուբերկուլյոզի բակտերիաների առկայությունը և խոսում իզոնիազիդի հանդեպ զգայունության մասին
Տուբերկուլյոզի բուժումը
Տուբերկուլյոզը շատ դժվար է բուժել : Բուժումը կատարվում է դեղերի մեծ խմբով՝ 6 ամիս շարունակ:
Երեխաների մոտ տուբերկուլյոզի հայտնաբերումը բարդ է մեծահասակների համեմատությամբ: Թեստը կարող է օգտակար լինել երեխաների մոտ տուբերկուլյոզի հայտնաբերման համար, քանի որ նրանցից հետազոտության համար խորխի նմուշ վերցնելը բարդ գործընթաց է: :
Հիվանդության ոչ ամբողջական բուժումը պատճառ է դարձել տարբեր երկրներում դեղակայուն ձևերի առաջացման:
Երկար տարիներ տուբերկուլյոզի ախտորոշումը կատարվել է խորխից՝ ցանքսի միջոցով, ինչը երկարատև գործընթաց է (4-6 շաբաթ):
Նոր շնչառական թեստը որոշում է զգայունությունը միայն իզոնիազիդի հանդեպ: Այսպիսով, այն պետք է կիրառվի հետազոտման այլ միջոցների հետ համադրությամբ:
Իսկ մինչ այդ, հաջորդ քայլը կլինի թեստի՝ կլինիկական պայմաններում մարդկանց մասնակցությամբ փորձարկումը:
Նյութի սկզբնաղբյուրը՝ BBC.com
Թարգմանված նյութի աղբյուրը՝ Doctors.am