Արյան մակարդման ձեռքբերովի խանգարումները հանդիպում են տարբեր հիվանդությունների ժամանակ: Խանգարվում է ինչպես առաջնային և երկրորդային հեմոստազը առանձին-առանձին, այնպես էլ երկուսը միասին:
Առաջնային հեմոստազի խանգարումների պատճառներն են՝
- թրոմբոցիտների ագրեգացիան խանգարող դեղամիջոցների (ասպիրին, ոչ ստերոիդ հակաբորբոքային պատրաստուկներ, հակաբիոտիկներ և այլն)
- նշանակում
- ուրեմիա
- լյարդի հիվանդություններ:
Երկրորդային հեմոստազի ամենահաճախակի հանդիպող խանգարումներից է տարածուն ներանոթային մակարդման համախտանիշը (ՏՆՄՀ), որը հանդիպում է՝
- տարաբնույթ սեպտիկ վիճակների (մանրէներ, սնկեր, որոշ վիրուսներ)
- ախտաբանական ծննդաբերությունների
- ծանր վնասվածքների
- այրվածքների
- չարորակ հիվանդությունների
- վիրահատությունների և շոկի ժամանակ:
ՏՆՄՀ-ի ժամանակ նկատվում է մակարդման և հակամակարդման (ֆիբրինոլիթիկ) համակարգերի ախտաբանական խթանում: Կլինիկորեն ՏՆՄՀ-ն արտահայտվում է մի կողմից թրոմբոզներով, իսկ մյուս կողմից` արյունահոսություններով:
Էլեկտրոնային նյութի սկզբնաղբյուրը ՝ Doctors.am
Նյութի էլէկտրոնային տարբերակի իրավունքը պատկանում է Doctors.am կայքին