Վերջին տարիներին ամբողջ աշխարհում բժշկությունը բախվում է բնական պրոցեսներում մարդու ակտիվ ներգործությունների հետ: Աշխարհի շատ տարածաշրջաններում` այդ թվում նաև Հայաստանյան շրջաններում բնապահպանական իրավիճակի վատթարուցումն ազդում է մարդկանց` և առաջին հերթին նրանց իմունային համակարգի վրա: Ներկայումս աշխարհի բոլոր խոշոր քաղաքներն ունեն կլինիկա-իմունոլոգիական լաբորատորիաներ, որոնք զբաղվում են մարդու իմունային համակարգի գնահատմամբ: Հայտնաբերվել են մի շարք դեղամիջոցներ, որոնք ներգործում են մարդու իմունային համակարգի վրա: Դրա հետևանքով առաջ է եկել դեղագործական միջոցների նոր դաս` իմունոտրոպ պրեպարատներ, որոնք իրենցից ներկայացնում են սինթետիկ, բիոտեխնոլոգիական կամ բնական միջոցներ ,որոնք ի վիճակի են ազդելու իմունային համակարգի տարբեր օղակների վրա, և դրա հետևանքով փոփոխել իմունային պատասխանի բնույթը, ուղղվածությունը և ուժը: Իմունոտրոպ դեղամիջոցները, կախված ցուցաբերված ազդեցությունից, բաժանվում են իմունախթանիչների, իմունասուպրեսորների, իմունոմոդուլյատորների:
Իմունոխթանիչները - նախատեսված են որպես միջոց, որոնք ակտիվացնում են իմունիտետը: Նպատակահարմար է օգտագործել առաջնային եվ երկրորդային իմունոդիֆիցիտների ժամանակ, որոնք ուղեկցվում են շնչառական ուղիների, կերակրափողի, միզուղիների , մաշկի և այլ օրգանների բակտերիալ և վիրուսային վարակներով, ուռուցքով հիվանդների համալիր բուժման ժամանակ:
Իմունոսուպրեսիան – դա ազդեցությունն է իմունային համակարգի վրա, որն ուղղված է ճնշելու կամ հեռացնելու հակամարմինները, կամ լիմֆոցիտները որոնք յուրահատուկ ձևով ազդում են ալլո, կամ աուտո-անտիգեների վրա: Կլինիկաներում օգտագործվում է աուտո- իմունային և լիմֆոպրելիֆերատիվ հիվանդությունների, օրգանների և մաշկի փոխպատվաստման ժամանակ:
Իմունոմոդուլյացիան – դա միջոցների համակարգ է, որը վերադարձնում է իմունային ստատուսը նախնական հավասարակշռված վիճակին:
Էլեկտրոնային նյութի սկզբնաղբյուրը ՝ Doctors.am
Նյութի էլէկտրոնային տարբերակի իրավունքը պատկանում է Doctors.am կայքին
