«Վարդանանց» ՆԲԿ

   «Վարդանանց» ՆԲԿ-ի վերականգնողական ծառայությունը նախատեսված է՝

բոլոր նրանց համար,  ովքեր նստակյաց կյանք են վարում  կամ` ընդհակառակը, գերակտիվ կենսակերպ ունեն, և արդյունքում ունեն  խնդիրներ ողնաշարի կամ հոդերի հետ կապված

բոլոր նրանց համար, ովքեր հոգում են հետկաթվածային, գլխուղեղի և ողնուղեղի վնասումներից հետո կամ կոտրվածքներ ունեցող հարազատների խնդիրները։

 Ծառայությունը մասնագիտացած է  նյարդաբանական և օրթոպեդիկ խնդիրներ ունեցող մարդկանց առողջության վերականգնման գործում։

Ծառայությունը համալրված է կինեզոթերապևտիկ և ֆիզիոթերապևտիկ բուժական միջոցառումներով։

Կինեզոթերապիան  նախատեսված է հետևյալ  խնդիրների դեպքում՝

• հենաշարժական համակարգի խնդիրներ (արթրոզ, հոդերի շարժման ամպլիտուդայի սահմանափակումներ, էնդոպրոթեզավորում և այլն)
• նյարդաբանական հիվանդություններ (կաթված, նեյրոպաթիաներ, թունելային համախտանիշներ, ողնաշարի ճողվածքներ և պրոտրուզիաներ)
• կոտրվածքներից հետո վերականգնում
• վերջույթների անդամահատումներ, պրոթեզավորում
• կեցվածքի շեղումներ (սկոլիոզ, կիֆոզ)
• քայլքի և հավասարակշռության խանգարումներ
• ցավային համախտանիշներ (մեջքացավ, պարանոցի ցավ, մկանացավ, մկանային լարվածություն և այլն)։

Ֆիզիոթերապևտիկ բուժումը նախատեսված է՝

• հենաշարժական համակարգի հիվանդությունների (արթրիտ, արթրոզներ, ճողվածքներ, օստեոխոնդրոզ, կրնկային խթան, ջլաբորբեր և այլն)
• շնչառական համակարգի հիվանդությունների (քրոնիկական տոնզիլիտ, սինուսիտ, բրոնխիտ, սուր և քրոնիկ օտիտ)
• վնասվածքներից, կոտրվածքներից հետո վերականգնման
• նյարդաբանական հիվանդությունների (նեյրոպաթիաներ, թունելային համախտանիշ, պերիֆերիկ նյարդերի ախտահարումներ)
• հետվիրահատական վերականգնման համար։

Մենք առաջարկում ենք անհատական վերականգնողական բուժման ծրագիր՝ նորագույն սարքավորումներով հագեցած հարմարավետ դահլիճում (Քոչար մասնաճյուղ, 35/1)։

Առավելագույն արդյունքի հասնելու համար  կատարվում են վերականգնողաբանի և նեղ մասնագետի համատեղ քննարկումներ։ Բուժման կուրսի տևողությունը միջինը 15 այց է:

Միջամտությունից անմիջապես հետո կարող եք դուրս գալ կլինիկայից և առանց որևէ սահմանափակման վերադառնալ Ձեր բնականոն կյանքին: