«Վանաձորի բժշկական կենտրոն» ՓԲԸ-ն ստեղծվել է Լ. Արեշյանի անվան «Վանաձորի թիվ 1 հիվանդանոցային համալիր» ՓԲԸ-ն և «Վանաձորի թիվ 2 հիվանդանոց» ՊՓԲԸ-ն միաձուլման ձևով վերակազմակերպման ճանապարհով` հիմք ընդունելով ՀՀ կառավարության 24 ապրիլի 2011 թ. Թիվ 699-Ն և ՀՀ Լոռու մարզպետի 13 դեկտեմբերի 2011 թ. Թիվ 417-Ա որոշումները:
.jpg)
Վանաձորի բժշկական կենտրոնը Լոռու մարզի ամենամեծ և մարզկենտրոնի միակ հիվանդանոցն է, որի բազմապրոֆիլ լինելը հնարավորություն է տալիս բժշկական ծառայություն մատուցել ամենատարբեր հիվանդությունների դեպքում, իրականացնել համալիր բուժում: Ընկերության գործունեության հիմնական տեսակն է բուժօգնությունը և սպասարկումը: Նշված գործունեությունը ներառում է հիվանդանոցային, արտահիվանդանոցային և շտապ բուժօգնության ծառայություն:
Մեր առաքելությունը
Մատուցել բարձրակարգ, ժամանակակից, յուրաքանչյուրին հասանելի, մատչելի և օրինական, որակյալ բժշկական, ախտորոշիչ, կանխարգելիչ և հարբժշկական ծառայություններ քաղաքացիներին, լինել յուրաքանչյուրի կողքին։
Մեր նպատակները
Առաջիկա մի քանի տարվա ընթացքում մենք հավակնում ենք դառնալ դինամիկ զարգացող, ճանաչելի, որակյալ, ժամանակակից ծառայություններ մատուցող ՀՀ լավագույն բուժհաստատություններից մեկը։
Մեր արժեքները
Վանաձորի բժշկական կենտրոնը մատուցում է հետևյալ ծառայությունները․
1․ Վիրաբուժական ծառայություն /ներառյալ մանկական/
2․ Մանկաբարձագինեկոլոգիական ծառայություն /Ծննդատուն/
3․ Մանկական սոմատիկ ծառայություն
4․ Վերակենդանացման ծառայություն
5․ Թերապևտիկ ծառայություն
6․ Ուռուցքաբանական ծառայություն
7․ Հեմոդիալիզի ծառայություն
8․ Հիվանդանոցային ախտորոշիչ ծառայություն
9․ Շտապ բուժօգնության ծառայություն
10․ Լաբորատոր ծառայություն
11․ Ախտաբանաանատոմիական ծառայություն
12. Ինվազիվ սրտաբանական ծառայություն
13․ Դեղատուն
