Կարգախոս` Առողջ քուն, առողջ մարդ
Սոմնուս քնի և շարժողական խանգարումների կլինիկան հիմնադրվել է 2011 թվականին: Կլինիկայի նպատակն է` Հայաստանում ներդնել և զարգացնել քնի և շարժողական խանգարումների ախտորոշման, բուժման և երկարաժամկետ բազնակողմանի վարման ժամանակակից մեթոդները:
Սոմնուս քնի և շարժողական խանգարումների կլինիկայում կատարվում է քնի խանգարումների և շարժողական հիվանդությունների մասնագիտացված գնահատում, հատուկ հարցարանների կիրառում, խորը ուսումնասիրում, ախտորոշման ճշտում և վարման պլանավորում: Կլինիկան ձգտում է միջազգային բարձր չափանիշներին համապատասխան բուժծառայություն մատուցել իր պացիենտներին:
Սոմնոլոգիան (քնաբանությունը) կամ քնի բժշկությունը ժամանակակից բժշկության լայն և արագ զարգացող ուղղություն է, որը ներառում է իր մեջ թե կլինիկական աշխատանք, թե տեխնիկական մաս, թե ոչ-դեղորայքային և հոգեբանական մեթոդների լայն ընտրանի:
Կլինիկան միակն է Հայաստանում, որի պրակտիկայում կիրառվում են բոլոր հիմնական հաստատված մոտեցումներն ու ախտորոշիչ մեթոդները: Շարժողական կամ էքստրապիրամիդալ խանգարումների ոլորտը ժամանակակից նյարդաբանության կարևորագույն և տարածված ուղղություններից է: Պարկինսոնի հիվանդությունը, ընտանեկան դողը և այս խմբի այլ հիվանդություններ շատ տարածված են և կլինիկական լուրջ խնդիր են հանդիսանում պացիենտների և նրանց հարազատների համար: Սոմնուս կլինիկան մասնագիտացված գնահատում է ապահովում նաև պացիենտների այս խմբին, խրոնակական հսկողություն և բուժում անցկացնելով միջազգային ուղեցույցներին համապատասխան:
Սոմնուս կլինիկայում նաև կատարվում է ընդհանուր նյարդաբանական ամբուլատոր ընդունելություն տարբեր նյարդաբանական խնդիրներ ունեցող պացիենտների համար. գլխացավ, գլխապտույտ, տրամադրության և տագնապային խանգարումներ, հիշողության խանգարումներ (դեմենցիաներ):
Հիմնական ուղղություններ
Քնաբանական
- Ինսոմնիա (անքնություն)
- Խռմփոց և քնի ապնոէ (քնի շնչարգելություն)
- Նարկոլեպսիա և այլ հիպերսոմնիաներ (գերքնություններ)
- Անհանգիստ ոտքերի համախտանիշ
- Պարասոմնիաներ (օր.՝ սոմնամբուլիզմ, գիշերային վարքային այլ խանգարումներ)
- Քնի ցիրկադիանային ռիթմի խանգարումներ (քնի ժամացույցի խախտումներ)
- Գիշերային ցնցումներով ուղեկցվող էպիլեպսիա
Շարժողական
- Պարկինսոնի հիվանդություն
- Տրեմոր, ընտանեկան դող
- Այլ պարկինսոնյան համախտանիշներ
- Տիկեր և Տուրետի հիվանդություն
- Դիստոնիաներ / Վիլսոնի հիվանդություն
- Խորեա / Հանտինգտոնի հիվանդություն
- Միոկլոնուս
- Քայլվածքի խանգարում
Այլ ուղղություններ
- Դեմենցիաներ
- Գլխացավեր, միգրեն
- Երկրորդային դեպրեսիվ-տագնապային խանգարումներ
Տնօրեն
Սամսոն Գաբրիելի Խաչատրյան
Սոմնուս կլինիկան տրամադրում է քնի և շարժողական խանգարումների ախտորոշման և բուժման ծառայությունների լայն հնարավորություններ:
- Նյարդաբանական զննում և գնահատում
- Սոմնոլոգիական հատուկ զննում և գնահատում
- Շարժողական խանգարումների հատուկ զննում և գնահատում
- Պոլիսոմնոգրաֆիա – քնի հետազոտություն
- Պոլիսոմնոգրաֆիա ցերեկային քնի թեստավորմամբ
- Պոլիսոմնոգրաֆիա ամբողջական էլեկտրաէնցեֆալոգրաֆիայով
- Ցերեկային ժամերին արթունությունը պահպանելու ունակության
- թեստավորում (վարորդներ և ուշադրություն պահանջող այլ մասնագիտություններ)
- Շարժական պոլիսոմնոգրաֆիա (քնի շնչառական հետազոտություն տանը կամ այլ կլինիկաներում)
- Հատուկ հարցարաններով թեստավորում
- Քնի և շարժողական խանգարումների դեղորայքային թերապիա
- Քնի ապնոէի վարքային թերապիա
- Քնի ապնոէի գործիքային բուժում՝ սիպապ (CPAP) թերապիա
- Լուսային ռեժիմի շտկում և լուսային թերապիա
- Կոգնիտիվ-վարքային թերապիա
- Քնի հիգիենայի շտկում
- Հաճախակի հերթապահելուց կամ ժամային գոտիներ փոխելուց առաջացող քնի խնդիրների շտկում
- «ՍՈՄՆՈՒՍ» նյարդաբանական կլինիկան սկսում է բոտուլոտոքսինով բուժման (բոտոքս) ծառայությունը:
Շատերին բոտուլոտոքսինի ներարկումները ծանոթ են որպես կոսմետիկ նպատակներով իրականացվող միջամտություն կնճիռների և այլ խնդիրների համար:
Այնուամենայնիվ բոտուլոտոքսինով բուժումը հանդիսանում է մկանային լարվածությամբ ուղեկցվող բազմաթիվ շարժողական նյարդաբանական հիվանդությունների բուժման ամենաարդյունավետ մեթոդը:
Մեր կլինիկայում իրականացվելու է բլեֆարոսպազմի, հեմիֆացիալ սպազմի, պարանոցային դիստոնիայի և հիպերհիդրոզի բուժում այս մեթոդով:
«ՍՈՄՆՈՒՍ» նյարդաբանական կլինիկայում այս մեթոդով բուժումն իրականացնելու է բժիշկ-նյարդաբան Զարուհի Թավադյանը, ով մասնագիտացած է շարժողական խանգարումների ոլորտում և ունի 8 տարվա աշխատանքային փորձ որպես շարժողական խանգարումների մասնագետ: Վերապատրաստումներ է անցել Շվեյցարիայի և Ավստրիայի շարժողական խանգարումների առաջատար կլինիկաներում:
- ԽՄԲԱՅԻՆ ՀՈԳԵԹԵՐԱՊԻԱ ԱՆՔՆՈՒԹՅԱՆ ՀԱՄԱՐ / GROUP COGNITIVE-BEHAVIORAL THERAPY FOR INSOMNIA
Բուն խմբային աշխատանքը կազմված է 8 հանդիպումից, որոնցից յուրաքանչյուրը տևում է 2 ժամ: Հանդիպումները տեղի են ունենալու շաբաթը մեկ անգամ և ամեն մեկը բաղկացած կլինի ընդհանուր և անհատական մասերից:
ԽԿՎԹ-Ա-ն կազմված է հետևյալ մասերից.
1. Ստիմուլ-կոնտրոլ թերապիա,
2. Քնի սահմանափակման թերապիա,
3. Քնի հիգիենայի ուսուցանում,
4. Կոգնիտիվ թերապիա
