Հայաստանում ատոմային էլեկտրակայանի և նրա բանավանի շինարարության հետ միասին 1970թ.-ին շահագործվել է բուժական առողջապահական պունկտը: 1975թ.-ին սկսել է գործել պոլիկլինիկայի կառույցը` իր 22 մասնագիտական կաբինետներով և օժանդակ կաբինետներով: 1976թ.-ի գարնանը սկսեց աշխատել սանէպիդ կայանը, իսկ 1978թ.-ի հունվար ամսին բացվեց հիվանդանոցային համալիրը` իր օժանդակ ծառայություններով: Ամբուլատոր բուժ պրոֆիլակտիկ սպասարկման ծառայությունը, ստացիոնարը և սանէպիդ կայանը, առողջապահական բուժկետերը միավորված էին որպես Բուժսանմաս թիվ 130` ԽՍՀՄ առողջապահության 3-րդ վարչության կազմում:
Բուժսանմաս թիվ 130-ի հիմնադիրը եղել է երջանկահիշատակ բժիշկ Ջալալ Հայրապետյանը:
ԽՍՀՄ փլուզումից հետո, 1992թ.-ին Բուժսանմաս թիվ 130-ը անցավ Հայաստանի Հանրապետության առողջապահության նախարարության ենթակայությանը և վերանվանվեց Մեծամորի բուժմիավորում:
1997թ.-ին բուժմիավորումը տարանջատվեց <<Մեծամորի պոլիկլինիկա>> և <<Մեծամորի հիվանդանոց>> պետական փակ բաժնետիրական ընկերությունների:
2007թ.-ից ՄԵԾԱՄՈՐԻ ՊՈԼԻԿԼԻՆԻԿԱ և ՄԵԾԱՄՈՐԻ ՀԻՎԱՆԴԱՆՈՑ ՊՓԲԸ-ները կրկին վերամիավորվեցին և կազմավորվեց <<ՄԵԾԱՄՈՐԻ ԲԺՇԿԱԿԱՆ ԿԵՆՏՐՈՆ>> ՓԲԸ-ն:
Բժշկական կենտրոնն այս տարիների ընթացքում մեծ հաջողությունների է հասել ազգաբնակչության բժշկական սպասարկման բնագավառում:
