Հայաստանում Մարդու Վերարտադրողականության Հայկական Ասոցիացիան անկախ կազմակերպություն է, որի գործունեության նպատակը վերարտադրողական նոր տեխնոլոգիաների ներմուծումն է Հայաստան, մարդու վերատադրության խնդիրներով զբաղվող բժիշկների միջև տեղեկատվության փոխանակումն է, ինչպես նաև` ոլորտում եվրոպական և ամերիկյան ստանդարտներին համապատասխան դիագնոստիկ և բուժման մեթոդների ներմուծումը:
Ասոցիացիան իր հիմնական նպատակներից է համարում նաև տարբեր կոնֆերանսների, կլոր սեղան-քննարկումների միջոցով արտասահմանյան կոլեգաների և ոլորտի առաջնակարգ մասնագետների հետ կապերի ամրապնդումը: Ասոցիացիան կազմակերպում է նաև անվճար տեղեկատվական սեմինարներ ոլորտի մասին բնակչության տեղեկատվածության մակարդակը բարձրացնելու համար:
Այսօր Ասոցիացիան իր առաջնային խնդիրն է համարում մարդու վերարտադրողականության բնագավառում մի շարք գիտահետազոտական աշխատանքների անցկացումը:
