ՌԴ ամենախոշոր բժշկական ընկերությունն արդեն Հայաստանում է
2017 թ.-ի հունվարին ֆրանչայզինգի պայմանագիր կնքվեց «Դյուցազն» ընկերության և INVITRO ընկերության միջև: INVITRO-ն Արևելյան Եվրոպայի ամենամեծ բժշկական ցանց ունեցող ընկերությունն է՝ 1300-ից ավելի բժշկական գրասենյակներով և 8 լաբորատոր համալիրներով: ՌԴ և հետխորհրդային տարածքի ամենամեծ բժշկական ընկերությունը՝ INVITRO-ն իր գրասենյակն ունի նաև Երևանում և Արմավիրում: Այսուհետ Հայաստանից բժշկական բարդ կամ կրկնակի հետազոտությունների համար ստիպված չեն լինի մեկնել արտեկիր. այդ ամենը կիրականացվի Հայաստանում:
INVITRO-ն իրականացնում է 2000-ից ավելի լաբորատոր հետազոտություններ և ինստրումենտալ ու համակարգչային ախտորոշումներ: Հայաստանյան գրասենյակներում հաճախորդը հանձնում է բիոնյութերը, դրանք նույն օրը հատուկ տարաներով ուղարկվում են Մոսկվայի կենտրոնական լաբորատորիա, որը հագեցած է աշխարհի լավագույն արտադրողների ամենաժամանակակից սարքավորումներով ու վերջին սերնդի ավտոմատ անալիզատորներով: Վերջիններս բացառում են մարդկային գործոնն ու ապահովում լիակատար վստահելի արդյունքներ: Դրանք պատրաստ լինելուն պես, սկսած 2 օրից հաճախորդը ստանում է տեղեկատվություն հնարավոր բոլոր տարբերակներով՝ SMS, էլ. փոստ, invitromed.am կայքէջում բացված անձնական կաբինետի միջոցով, ցանկության դեպքում՝ անմիջապես գրասենյակից կամ փոստային առաքման միջոցով:
INVITRO-ն բժշկական հետազոտություններ իրականացնող ամենախոշոր ընկերությունն է հետխորհրդային տարածքում, ունի ամենամեծ ցանցը՝ 1300-ից ավելի բժշկական գրասենյակներ, որտեղ օրական կատարվում են մոտ 10 մլն բժշկական հետազոտություններ: Ընկերությունը գրասենյակներ ունի Ուկրաինայում, Ղազախստանում ու Բելառուսում: Հայաստանյան գրասենյակն առաջինն է անդրկովկասյան և մերձարևելյան տարածաշրջանում: Կարևորելով նման հեղինակավոր ընկերության մուտքը Հայաստան՝ INVITRO-ի երևանյան գրասենյակի բացմանը ներկա էին ՀՀ Առողջապահության նախարարության, Երևանի քաղաքապետարանի ներկայացուցիչներ, տարբեր բժշկական հաստատությունների տնօրեններ ու գլխավոր բժիշկներ:
Լաբորատոր մոլեկուլյար ախտորոշում
Բժշկական խորհրդատվություն
Լաբորատոր - գործիքային հետազոտություններ
Տարաբնույթ ծառայություններ առողջապահության բնագավառում
