Հիբրիդ լաբորատորիա

Հիբրիդ լաբորատորիա

Երբ տեխնոլոգիան ու արվեստը հանդիպում են

Մենք արտադրում ենք ՄԵՏԱՂԱԿԱՆ ԿՈՆՍՏՐՈՒԿՑԻԱՆԵՐ՝ տիտանից, կոբալտ-խրոմից, ոսկուց: Կոնստրուկցիաները նախատեսված են օգտագործելու ինչպես ստոմատոլոգիայի, այնպես էլ առողջապահության ոլորտում: Տիտանից հոդային գլխիկներ, իմպլանտներ և պրոթեզներ, որոնք անհրաժեշտ են վերջույթներ կորցրած, շարժական ապարատի, դիմածնոտային և գանգուղեղային խնդիրներ ունեցող անձանց համար:

Հիբրիդ լաբորատորիան այսօր կիրառում է եվրոպական արտադրության լավագույն սարքավորումներ ու որակյալ հումք, ինչի արդյունքում բարձր որակը երաշխավորված է: Մեր թերևս կարևորագույն առավելություններից մեկն այն է, որ անհատական իմպլանտների արտադրական բոլոր պրոցեսները կատարվում են բացառապես մեր լաբորատորիայում՝ մասնագետների բարձր պատրաստվածության և տեխնիկական հագեցվածության շնորհիվ:

Մեր բոլոր մասնագետները վերապատրաստում են անցել Եվրոպայի բարձրակարգ մասնագետների մոտ: Ի դեպ Եվրոպայի մեր գործընկերների հետ մաստեր կլասերի, վեբինարների, անձնակազմի ուսուցման պրոցեսները կրում են շարունակական բնույթ:

Մենք գերազանցում ենք անհատական իմպլանտների պատրաստման և հանձման արագությամբ: Մեզ հետ համագործակցող բժիշկները շահում են ոչ միայն իրենց տրամադրվող իմպլանտի որակի, այլ նաև ժամանակի մեջ: Ցանկացած տեսակի իմպլանտ պատրաստվում է 1-2 շաբաթվա ընթացքում՝ կախված բարդության աստիճանից:

1 Մենք պատրաստում ենք ոչ թե ստանդարտ, այլ անհատկան իմպլանտներ՝ յուրաքանչյուր պացիենտի դեպքին համապատասխան։

2 Կիրառում ենք SISMA իտալական լավագույն սարքավորումը, որն աշխատում է լազերային աճեցման տեխնոլոգիայով, որի աշխատանքը կատարվում է միանգամից 2 լազերով, ինչի շնորհիվ մետաղն աճեցվում է հաշված ժամերի ընթացքում՝ 0.01% շեղումով: Ունենք թվով 15-ից ավել 3Դ պրինտերներ: Ի դեպ վերջերս տարածաշրջանում առաջինն էինք, որ ձեռք բերեցինք DLYTE սարքավորումը, որը թույլ է տալիս հղկել ցանկացած տեսակի մետաղական կոնստրուկցիա՝ հայելային աստիճանի հարթությամբ:

3 Մենք կիրառում ենք միմիայն բարձր կարգի նյութեր/ բժշկական նշանակության տիտան, որը ներկրվում է Անգլիայից, ունի ISO սերտիֆիկացում/։

Ի սկզբանե Հիբրիդ լաբորատորիայի հիմնադրման կարևորագույն գաղափարը հենց պատերազմի մասնակից զինծառայողներին աջակցություն տրամադրելն էր: Բոլոր պատերազմի մասնակից զինծառայողները, ովքեր ունեն պրոթեզավորման կարիք՝ Հիբրիդ լաբորատորիան ԱՆՎՃար տրամադրում է տիտանե պրոթեզներ: