Dentex Dental & Aesthetic Center

2014 թ.-ին «Dentex Dental Group»-ը Երևան քաղաքում՝ Հանրապետության 62/150 հասցեում, իր հյուրընկալ դռներն է բացել հանրության առջև։ Կենտրոնում աշխատում են բարձր որակավորում ստացած /ԱՄՆ, Եվրոպա/ արհեստավարժ մաստնագետներ, որոնք, օգտագործելով նոր տեխնոլոգիաները, տրամադրում են միջազգային չափանիշներին համապատասխան որակյալ բժշկական ծառայություններ: 

Առաջին այցի ժամանակ այցելուներին տրամադրվում է անվճար խորհրդատվություն, որն իր մեջ ներառում է նախնական բուժզննում, անհրաժեշտության դեպքում կատարվում է նաև օրտոպանտոմոգրամմա, ինչի արդյունքում հայտնաբերվում են բերանի խոռոչի առկա հիվանդությունները, ախտահարված ատամները և ամբողջ տեղեկատվությունը թվայնացված տարբերակով պահպանում ենք “Open Dental” ծրագրի միջոցով` անհատական էլեկտրոնային թղթապանակում։ Յուրաքանչյուր այցից/բուժումից հետո թղթապանակում թարմացվում են կատարված բուժական գործողությունները․ այսպիսով ստեղծում ենք այցելուի անհատական «հիվանդության պատմություն», որը մշտապես թարմացվում և պահպանվում է մեր էլեկտրոնային բազայում։

Մեր աշխատանքի մեջ առավելագույն ուշադրության ենք արժանացնում ախտահանման գործընթացը։ Պահպանելով սանիտարական բոլոր նորմերը` ապահովում ենք թե՛ այցելուի անվնաս բուժումը, թե՛ բժիշկների կատարված աշխատանքի բարձր որակը։ Գործիքներն ու սարքերը ախտահանում ենք հայտնի ախտահանիչ նյութերով, օրինակ՝ Aerodesin, Isorapid, Oralin և այլն, այնուհետև գործիքները տեղադրվում են ավտոկլավ, որտեղ անցնում են նաև ջերմային ախտահանում, ինչով կանխվում է այցելուի վարակվելը տարաբնույթ հիվանդություններով, որոնցից են թոքախտը, հեպատիտ А, B, C-ն, ՄԻԱՎ-ը և այլն։

Նաև նշենք, որ հեպատիտով այցելուները սպասարկվում են իրենց համար նախատեսված սենյակում` առանձնացված գործիքներով։

Կենտրոնում առկա է նաև օրտոպանտոմոգրամմա, որն ի տարբերություն առանձին ատամի թիրախային ռենտգենագրության՝ արտացոլում է պանորամային թվային ռենտգեն պատկերներ, ինչի օգնությամբ բժիշկները ստանում են այցելուի երկու ծնոտների վիճակի ամբողջական պատկերը, որի հիման վրա ավելի արագ և որակյալ ընտրվում է հետագա թերապիայի մարտավարությունը։

2020 թ-ին վերոնշյալ ծառայություններին գումարվել է ևս մեկը՝ էսթետիկ և բուժական կոսմետոլոգիա, ինչի արդյունքում կենտրոնը վերանվանվել է ''Dentex Dental& Aesthetic Center''։

Մեր մասնագետների կողմից կատարված աշխատանքների որպես օբյեկտիվ գնահատական և որակի երաշխիք, բուժումից հետո մեր այցելուներին տրամադրում ենք «Երաշխիքային հավաստագիր», ինչով ապահովում ենք կատարված աշխատանքների բարձր որակը։

Աշխատելով միջազգային ստանդարտներին համապատասխան՝ կլինիկայի մասնագետները, բացի ատամնաբուժության մեջ արհեստավարժ լինելուց, տիրապետում են նաև օտար լեզուների, ինչը առավել հարմարավետ է դարձնում աշխատանքը օտարերկրյա այցելուների հետ Dental-Tourism-ի շրջանակներում։ 

Մեր առավելություններից է նաև բարեխիղճ աշխատանքը ՀՀ բոլոր ապահովագրական ընկերությունների հետ։ “Առողջության ապահովագրություն” ունեցող այցելուները, բացի վերոնշյալից, հնարավորություն ունեն օգտվել ծառայություններից՝ առավել ճկուն ժամանակացույցով։ 

Բժիշկներ՝
•   Իրինա Համբարձումյան
•   Աննա Այվազյան
•   Հարութ Վիզոեան
•   Ավետիս Չակմակեան
•   Շանթ Ռեզգո
•   Հայկ Ղանդիլյան
•   Աննա Հայրապետյան
•   Էդուարդ Հայրապետյան

Աշխատանքային օրեր և ժամեր՝

Երկ Երք Չրք Հնգ Ուրբ 09:00-20:00
Շբթ 09:00-18:00