Արաբկիր Բժշկական համալիր - Երեխաների և դեռահասների առողջության ինստիտուտը (ՙԱրաբկիր" բժշկական համալիր) Հայաստանում ամենախոշոր մանկաբուժական համալիրն է, որտեղ իրականացվում է լայնածավալ բժշկական գործունեություն, տրամադրվում են բազմաթիվ ծառայություններ, այդ թվում մանկակական տարբեր հիվանդությունների կանխարգելում, ախտորոշում և բուժում, շարունակական հսկողություն, հոգեբանասոցիալական և վերականգնողական ծառայություններ: Որպես երրորդային մակարդակի բազմամասնագիտական բժշկական հաստատություն` համալիրը յուրաքանչյուր տարի բժշկական օգնություն է տրամադրում Հայաստանի հազարավոր երեխաների (նորածինների, մանուկների և դեռահասների):
Բժշկական համալիրում աշխատում են Հայաստանում և արտասահմանում վերապատրաստված հմուտ և փորձառու մասնագետներ, որոնք որակյալ ծառայություններ են մատուցում երեխաների և նրանց ընտանիքների նկատմամբ տածած խորը գթասրտությամբ: Բարեգործների աջակցության և գործընկերների հետ համագործակցության շնորհիվ Բժշկական համալիրն ապահովված է ժամանակակից սարքավորումներով:
Բժշկական համալիրի կողմից առաջարկվող ծառայությունների շարքում են մեծահասակների համար նախատեսված ծառայություններ` ուրոլոգիա և ընդհանուր վիրաբուժություն, նեֆրոլոգիա և երիկամի փոխպատվաստում, լաբորատոր ախտորոշում: Այստեղ են տեղակայված նաև դիսպանսեր կենտրոններ` քրոնիկ ուրոլոգիական և վիրաբուժական, երիկամային, բրոնխիալ ասթմայով և ալերգիկ այլ հիվանդություններով, սուրդոլոգիական, պարբերական հիվանդությամ, գաստրոէնտերոլոգիական և հեպատոլոգիական, էպիլեպսիայով, էնդոկրինոլոգիական և շաքարային դիաբետով երեխաների շարունակական հսկողության և վարման համար: Համալիրում գործում է նաև շտապ բուժօգնության ծառայություն անհետաձգելի դեպքերին արձագանքելու համար:
Համալիրը մի շարք վերականգնողական ծառայություններ է տրամադրում նաև Հայաստանի շրջաններում` բժշկական օգնությունը, խնամքը և մեր փորձառությունը հասանելի դարձնելով մարզերում բնակվող երեխաների համար: Մեր, Երեխայի զարգացման և վերականգնողական կենտրոնները, որոնք գործում են Վանաձոր, Սպիտակ, Գյումրի, Արմավիր, Գավառ, Իջևան, Արտաշատ քաղաքներում, Ձեզ կընդունեն երկուշաբթի-ուրբաթ օրերը ժ. 9.00-16.45.
Մեր առաքելությունը
Արաբկիր Բժշկական համալիր - Երեխաների և դեռահասների առողջության ինստիտուտի (Արաբկիր ԲՀ-ԵԴԱԻ) առաքելությունն է պահպանել երեխաների և դեռահասների առողջությունը, ապահովել նրանց հիվանդությունների կանխարգելումը, զարգացման և առողջական խնդիրների վաղ հայտնաբերումն ու բուժումը:
Բաժանմունքներ
Արաբկիր ԲՀ ԵԴԱԻ գործընկերներն են`
Արաբկիր բժշկական համալիրում գործում են որակյալ բժշկական խնամքն ու սպասարկումը համալրող մի շարք աջակցություն տրամադրող ծառայություններ:
