Հարգելի՛ բժիշկներ, 
սեպտեմբերյան պատերազմից հետո, Արցախում առկա բժշկական ռեսուրսի լրացումը հրատապ է և՛ առողջապահական և՛ քաղաքական նկատառումներով։ Այս հավակնոտ մարտահրավերը ընդունել են Հայ օգնության ֆոնդը, Առաջադեմ բժշկություն ՀԿ-ն և ՀՀ բժշկական մասնագիտական ասոցիացիաները՝ ընդառաջ գնալով Արցախի առողջապահության նախարարության/ԱՆ/ կոչին։ Այս պահին առավել քան երբևէ, Արցախը կրկին ունի մեր կարիքը։

Մենք միասին պետք է կարողանանք կայուն և շարունակական առողջապահական անվտանգություն ապահովել մեր հայրենակիցների համար։ Սա հայրենասեր և պատվախնդիր բժշկի ծրագիր է։ Արցախ մեկնելով դուք կաշխատեք ձեր մասնագիտությամբ և կկիսվեք ձեր փորձով տեղի մասնագետների հետ։ 


Ծրագրի առավելությունները
•    Ծրագրի մասնակիցը աշխատելու է՝ Ստեփանակերտի, Մարտունու, Ասկերանի կամ Մարտակերտի բժշկական հաստատությունում
•    Տրամադրվելու է աշխատավարձ՝ ամսական 500,000 ՀՀ դրամ։
•    Ճանապարհածախսի փոխհատուցում՝ 20,000 ՀՀ դրամ
•    Ծրագրում հնարավոր կլինի ընդգրկվել մինչև 2022 թվականի ավարտը։ 
•    ԱՀ ԱՆ-ն ապահովելու է կեցությունը ԱՀ-ում, որը նախատեսված է միայն մասնակիցների համար։

Ուղեկցողները (նաև ընտանիքի անդամները) չեն կարող մեկնել և մնալ գործուղման վայրում մասնակցի հետ և նրանք որևէ ֆինանսական փոխատուցում չեն ստանա։


    Ծրագրին կարող եք դիմել եթե․
•    Հանդիսանում եք ՀՀ քաղաքացի
•    ԱՀ քաղաքացի (Հադրութի, Շուշիի, Քաշաթաղի և Քարվաճառի շրջաններ)
•    Ունեք բարձրագույն բժշկական կրթություն և բժշկական նեղ մասնագիտական որակավորում
•    Պատրաստ եք մեկնել գործուղման նվազագույնը 15 (տասնհինգ) օրացույցային օրով։


Ինչպե՞ս դիմել․
•    Լրացված հայտադիմումը և դիմումի վրա նշված փաստաթղթերը կարող եք ուղարկել՝ [email protected] և/կամ [email protected] հասցեին 
•    Մասնակիցները կընտրվեն հանձնաժողովի կողմից դիմումների քննարկման և հարցազրույցի հիման վրա։


Հարցերի դեպքում կարող եք զանգահարել Հայ օգնության ֆոնդ՝

Առողջապահական ծրագրերի համակարգող՝ Վահե Քրմոյան,  Հեռ․՝ +37460526660