Իդիոպաթիկ թրոմբոցիտոպենիկ ծիրանացանը (ԻՏԾ)՝ աուտոիմուն հիվանդություն է, որի ժամանակ չի հայտնաբերվում հիվանդության տեսանելի պարճառը: Հիվանդի մոտ սինթեզվում են հակամարմիններ թրոմբոցիտների սպեցիֆիկ գլիկոպրոտեինների հանդեպ: Տարբերում են հիվանդության սուր և քրոնիկական ձևերը:
Սուր իդիոպաթիկ թրոմբոցիտոպենիկ ծիրանացանը հիմնականում հանդիպում է 2-6 տարեկան երեխաների մոտ: Հաճախ թրոմբոցիտոպենիան զարգանում է վիրուսային ինֆեկցիաներից, պատվաստումներից հետո: Հիվանդության տևողությունը մինչ 6 ամիս է: 90% դեպքերում նկատվում է ինքնալավացում: Մեծամասնության դեպքերում բուժում չի պահանջվում:
Քրոնիկական իդիոպաթիկ թրոմբոցիտոպենիկ ծիրանացանը բնորոշ է մեծահասակներին, բայց մոտավորապես 20% դեպքերում հանդիպում է նաև երեխաների մոտ: Կանայք ավելի հաճախ են հիվանդանում (~3:1), ավելի հաճախ հիվանդանում են երիտասարդները (~70% մինչ 40 տարեկան):
Կլինիկա՝ մաշկի, լորձաթաղանթների վրա առաջանում են կապտուկներ՝ մանր կետավոր (պետեխիաներ) և խոշոր (էքխիմոզներ) արյունազեղումներ: Բնորոշ են միկրովասկուլյար արյունահոսությունների առաջացումը՝ քթային, լնդային, միզուղիներից, արգանդային: Լյարդը, փայծաղը, ավշային հանգույցները չեն մեծանում:
Ախտորոշում՝ հիվանդության պատմությունը երկարատև է՝ մի քանի ամիս, ծայրամասային արյան քննությամբ հայտնաբերվում է թրոմբոցիտների քանակի իջեցում, լեյկոցիտների քանակի, լեյկոֆորմուլայի, հեմոգլոբինի նորմալ ցուցանիշների պայմաններում:
Բուժումը՝ բուժումն իրականացվում է մի քանի փուլերով:
- կորտիկոստերոիդներ՝ 1-2մգ/կգ քաշին ~ 3-4 շաբաթ.
- ներերակային իմունոգլոբուլիններ (պաշարում են ռետիկուլոենդոթելիալ համակարգը՝ կանխելով թրոմբոցիտների ֆագոցիտոզը մակրոֆագերի կողմից) 0,5-1գ/կգ քաշին օրեկան 2-3 օր: Անհրաժեշտության դեպքում կուրսերը կրկնում են ամեն 10-21 օրերը.
- հակառեզուս Rho (D) իմունոգլոբուլինը նշանակվում է ռեզուս դրական հիվանդներին: Որպես բարդություն կարող է զարգանալ թեթև հեմոլիտիկ սակավարյունություն: Հիվանդների 50% մոտ ստացվում է դրական արդյունք.
- սպլենեկտոմիա՝ 65% հիվանդների մոտ ստացվում է դրական արդյունք. սպլենեկտոմիայից հետո զարգանում է երկրորդային իմունային անբավարարություն, այդ պատճառով այն չի կատարվում վաղ տարիքի երեխաների մոտ
- երբ բոլոր վերը նշված քայլերն արդյունք չեն տալիս, նշանակվում են ցիտոստատիկներ՝ վինկրիստին, ցիկլոֆոսֆան, դանազոլ և ուրիշ ցիտոտոքսիկ դեղորայք:
Թրոմբոտիկ թրոմբոցիտոպենիկ ծիրանացան և հեմոլիտիկուրեմիկ համախտանիշը բնորոշվում են միկրոանգիոպաթիկ հեմոլիտիկ սակավարյունությունով (էրիթրոցիտների մեխանիկական քայքայում), թրոմբոցիտոպենիայով և տարբեր օրգաններում մակարդուկների առկայությամբ: Թրոմբոտիկ թրոմբոցիտոպենիկ ծիրանացանը սովորաբար հանդիպում է մեծահասակների մոտ: Կլինիկական պատկերում բնորոշ է նյարդային համակարգի ախտահարումը: Հեմոլիտիկուրեմիկ համախտանիշը սովորաբար հանդիպում է երեխաների մոտ և բնորոշվում է երիկամային ախտահարումով:
Թրոմբոտիկ թրոմբոցիտոպենիկ ծիրանացանի (ԹՏԾ) և հեմոլիտիկուրեմիկ համախտանիշի տարբերակում (ՀՈՒՀ)
Տվյալներ |
ՀՈՒՀ |
ԹՏԾ |
Տարիք |
հիմնականում երեխաներ |
հիմնականում մեծահասակներ |
Երիկամային մանիֆեստացիա |
դոմինանտ է |
հազվադեպ է հանդիպում |
Նյարդային մանիֆեստացիա |
հազվադեպ է հանդիպում, թեթև է ընթանում |
բնորոշ է, ծանր է ընթանում |
Թրոմբոցիտոպաթիաներ (տրոմբոցիտների որակական խանգարումներ)
Թրոմբոցիտների ֆունկցիայի խանգարումները նրանց նորմալ կամ նվազած քանակի դեպքում կոչվում են թրոմբոցիտոպաթիաներ: Թրոմբոցիտոպաթիաները լինում են՝
- ժառանգական
- ձեռքբերովի
Ժառանգական թրոմբոցիտոպաթիաները դասակարգում են՝
- թրոմբոցիտների ադգեզիայի (թրոմբոցիտների կպչունության ունակություն) շեղումներ՝
- Բերնարդ-Սուլիեյի համախտանիշ
- առաջնակի ագրեգացիայի (թրոմբոցիտների միմիանց սոսնձվելու ունակությունը) շեղումներ՝
- Գլանցմանի թրոմբասթենիա
- էսենցիալ աթրոմբիա
- ագրեգացիայի երկրորդային շեղումնոր՝
- կուտակման պուլի հիվանդություն
- ցիկլոօքսիգենազայի պակաս
- թրոմբոքսան սինթետազայի պակաս
- հազվադեպ հանդիպող մեկուսացված շեղումներ՝
- թրոմբոցիտների 3-րդ գործոնի պակաս
- ֆոսֆադիտիլինոզիտոլի խանգարումներ
Բերնարդ-Սուլիեյի համախտանիշ
- ժառանգումը՝ աուտոսոմ ռեցեսիվ
- ինքնաբուխ կամ աննշան վնասվածքներից հեշտությամբ առաջացող արյունազեղումներ, պետեխիաներ
- քթային և այլ լորձաթաղանթային արունահոսություններ
Լաբորատոր ցուցանիշներ՝
- մեծ (հսկա) թրոմբոցիտների առկայություն
- թեթև կամ միջին ծանրության թրոմբոցիտոպենիա
- արյունահոսության ժամանակի երկարացում
- ագրեգացիայի խանգարում րիստոմիցինի հետ
- ագրեգացիան ԱԿՖ-ի, թրոմբինի, ադրենալինի հետ նորմայի սահմաններում
Բուժում
Կյանքին սպառնացող արյունահոսությունների ժամանակ թրոմբոցիտային զանգվածի փոխներարկում:
Թրոմբոցիտների ագրեգացիայի երկրորդային շեղումներն ավելի հաճախ են հանդիպում քան առաջնայինները: Բոլոր ժառանգական թրոմբոցիտների ֆունկցիայի խանգարումներից հաճախակի հանդիպում է կուտակման պուլի հիվանդությունը:
Թրոմբոցիտների ֆունկցիայի ձեռքբերովի խանգարումները հանդիպում են հետևյալ հիվանդությունների և համախտանիշների ժամանակ՝
- էսենցիալ թրոմբոցիտեմիա
- պարոքսիզմալ գիշերային հեմոգլոբինուրիա
- էրիթրեմիա
- քրոնիկական միելոլեյկոզ
- ուրեմիա
- բազմակի միելոմա
- աուտոիմուն հիվանդություններ
- ֆիբրինի քայքայման արգասիկների առկայություն
- ծանր երկաթպակասորդային սակավարյունություն
- ծանր ֆոլաթթու կամ վիտամին B12 պակասորդային սակավարյունություն
- դեղորայքով պայմանավորված
Հակաբիոտիկները, հակաբորբոքային, հակացնցումային, ցավազրկող և այլ դեղամիջոցներ կարող են առաջացնել թրոմբոցիտների ֆունկցիայի խանգարումներ:
Ստորև ներկայացված են այդ պատրաստուկներից մի քանիսը:
Ամպիցիլին |
Ինդոմետացին |
Կոկային |
Կարբենիցիլին |
Բրուֆեն |
Լիդոկային |
Գենտամիցին |
Կուրանտիլ (դիպիրիդամոլ) |
Տոկոֆերոլ |
Ցեֆազոլին |
Կորինֆար |
Իմիպրամին |
Դիպիրիդամոլ |
Ֆուրոսեմիդ |
Հիդրոկորտիզոն |
Հեպարին |
Ամինազին |
Պիպերացիլին |
Ռեզերպին |
Դեքստրան, ռեոպոլիգլյուկին |
Ֆենտոլամին |
Պապավերին |
Նիկոտինային թթու |
Պրոպանոլոլ |
Նիտրոգլիզերին |
Վինկրիստին, վինբլաստին |
Հիդրալազին |
Ասպիրին |
Տիկլոպեդիտ (տիկլիդ) |
Գլիցերոլ |