Շրթունքների կարմիր երիզի սահմանափակ նախաքաղցկեղային հիպերկերատոզը,որպես ինքնուրույն նախաքաղցկեղային հիվանդություն նկարագրել է Մաշկիլլեյսոնը 1965թ.: Շրթունքների նախաքաղցկեղային հիվանդությունների մեջ նրա տեսակարար կշիռը կազմում է մոտ 8%:Ավելի հաճախ ախտահարվում են 30 տարեկանից բարձր տղամարդիկ:Պրոցեսը սովորաբար տեղակայվում է ստորինշրթունքի խստականոն կարմի երիզի վրա,հաճախակի կենտրոնից կողմնայնորեն:
Կլինիկական պատկեր. Ախտահարումը ունիխիստ սահմանափակ հատվածի տեսք ավելի հաճախ բազմանկյուն չափսերը 0.2 x 0.5 մինչև 2 x1.5 սմ:Օջախի մակերեսը ծածկված է բարակ ամուր հպված թեփուկներով և ընդունում է սպիտակամոխրագույն տեսք:Մեծմասամբ օջախը թեթևակի ներփքվում է, սակայն եթե մակերեսի վրա կուտակվում են ամուր տեղակայված թեփուկներ ապա նա կարող է թեթևակի արտափքվել շրջապատող կարմիր երիզի վրա:Սահմանափակ հիպերկերատոզի օջախը ունի տափակ մակերես և հազվադեպ առաջանում է բորբոքային երևույթներիֆոնի վրա:
Հիստոլոգիական պատկեր. Բնորոշվում է էպիթելի սահմանափակ պրոլիֆերացիայով դեպի հյուսվածքների խորքը հաճախակի ուղեկցվում է փշաձև բջիջների դիսկոմպլեքսացիայով, մակերեսի վրա արտահայտված հզոր հիպերկերատոզով:
Ընթացքը. Գորտնուկավոր նախաքաղցկեղի համեմատությամբ արագչի զարգանում և նրա չարորակացումը կարող է նկատվել հիվանդության սկիզբից 6 ամիս հետո:Չարորակացման կլինիկական նշաններն են ուժեղացած եղջերացումը և տարրի հիմքում առաջանում են պնդացումներ:
Սակայն այս նշանները կարող առաջանալ ավելի ուշ քան ախտահարման չարորակացումը և միակ հուսալի ախտորոշման միջոցը բիոպսիան է,որը հարկավոր է կատարել որքան հնարավոր է շուտ:
Ախտորոշում. Հիմնված է կլինիկակն պատկերի և հիստոլոգիական ուսումնասիրությունների վրա:
Տարբերակիչ ախտորոշում. Լեյկոպլակիայից տարբերակվում է նրանով,որ լեյկոպլակիայի օջախի վրա բացակայում են հիպերկերատոտիկ թեփուկները:Կարմիր գայլախտից տարբերակում են բորբոքային փոփոխությունների և ատրոֆիայի առկայությամբ նաև կարմիր գայլախտի օջախները առհասարակ ավելի խոշոր են ի համեմատ սահմանափակ հիպերկերատոզի:
Կարմիր տափակ որքինը տարբերակվում է սահմանափակ հիպերկերատոզից ինֆիլտրացիայի և բորբոքային երանգի առկայությամբ ախտահարման օջախում:Երբ կարմիր երիզի վրա տափակ որքինի ժամանակ առաջանում են թեփուկներ , որոնքունեն ավելի կոպիտտեսք ի համեմատ սահմանափակ հիպերկերատոզի:
Այս հիվանդության չարորակացման հայտնաբերումը կլինիկորեն դժվարացած է, այստեղ պետք է հաշվի առնենք եղջերացման ուժեղացումը, ախտահարված օջախի խոցոտումը և խտացումը:Սակայն միակ ախտորոշման միջոցը հանդիսանում է բիոպսիան, որը հարկավոր է կատարել որքան հնարավոր է արագ:
Բուժում. Ախտահարված օջախի լիակատար վիրաբուժական հեռացում առողջ հյուսվածքների սանմաններում հետագա հիստոլոգիական ուսումնասիրություններով:
Էլեկտրոնային նյութի սկզբնաղբյուրը ՝ Doctors.am
Նյութի էլէկտրոնային տարբերակի իրավունքը պատկանում է Doctors.am կայքին