Այսօր կյանքի սպասվող միջին տևողություն 75 տարի է. սա կրկնակի շատ է 200 տարի առաջ եղած ցուցանիշից: Այսպիսով, ի՞նչն է փոխվել:
Հետևյալ 5 բժշկական հայտնագործությունները բազմաթիվ տարիներ են ավելացրել մեր կյանքին:
Պատվաստանյութեր
Ինչ-որ մեկին հիվանդությամբ վարակելը նրանց հիվանդությունից պաշտպանելու համար բավական համարձակ միտք է, որը, սակայն, հետ չպահեց Բենջամին Ջեսթին իր ընտանիքին պատվաստելու համար, 1774թ.-ին հորթի ծաղիկի հարուցիչներ օգտագործելուց: Տարիներ անց Էդվարդ Ջենները զարգացրեց պատվաստանյութերի տեսությունը: Նրա շնորհիվ բազմաթիվ ինֆեկցիոն հիվանդություններ` դիֆթերիա, կարմրուկ, ջրծաղիկ, կապույտ հազ, այսօր կանխարգելվում են պատվատանյութերով:
Պենիցիլին
Ալեքսանդր Ֆլեմինգը հայտնաբերեց պենիցիլինը` առաջին հակաբիոտիկը: Նրա շնորհիվ կանգնեցվեց բազմաթիվ հիվանդությունների և ինֆեկցիաների տարածումը:
Օճառ
Ամեն ինչ սկսվեց Լուի Պաստերի` 19-րդ դարի վերջում առաջարկած բակտերիաների մասին թեորիայից, համաձայն որի՝ բակտերիաներն են հիվանդություններ առաջացնում: Այդ ժամանակից սկսած մենք ավելի մաքուր ենք դարձել: Եվ դա հրաշալի է, քանի որ ձեռքերը լվանալն ու անձնական հիգիենան հիվանդությունների և ինֆեկցիաների դեմ պայքարի ամենաարդյունավետ միջոցներն են:
Զարկերակային ճնշման բուժումը
Երբ ''լուռ մարդասպանը'' (ԱՄՆ –ում մահվան երրորդ ամենահաճախ հանդիպող պատճառը) բուժվում է հակահիպերտենզիվ թերապիայի միջոցով, սրտի կաթվածի հավանականությունը նվազում է 35%-ով, ուղեղի կաթվածինը` 20%-ով, և սրտային անբավարարության զարգացման հավանականությունը` 50%-ով:
Ինսուլին
Չնայած դիաբետը դեռ անբուժելի է, ինսուլինի (հորմոն, որը կարգավորում է արյան շաքարի պարունակությունը) հայտանգործությունը դիաբետը մահացու հիվանդությունից վերածեց կառավարելի վիճակի: Գերմանացի գիտնականները սկսեցին դիաբետով տառապող շան ուսումնաիրությունից, այնուհետև անցան խոշոր եղջերավորների ենթաստամոքսային գեղձի ուսումնասիրությանը, արդյունքում, այսօր արդեն ունենք ինսուլինը, որն աշխարհով մեկ միլիոնավոր մարդկանց է օգնում:
Թարգմանված նյութի աղբյուրը՝ Doctors.am
Սկզբնաղբյուր՝ Blog.zocdoc.com