Երևան ատամնաբուժական կլինիկա

Մաշտոցի 40, 0002, Երևան, Հայաստան
Հասցե
+374 11 47 07 70
Հեռախոս
[email protected]
Էլ. փոստ

Yerevan Dental Clinic-ը հիմնադրվել է 2018 թ-ին: Հիմնադիրն է բժիշկ Արթուր Իկիլիկյանը: Հիմնադրման նպատակն է զարգացնել և խթանել ժամանակակից ստոմատոլոգիան:

Կլինիկան հագեցած է գերժամանակակից սարքավորումներով և թվային ախտորոշման տեխնոլոգիաներով: Այստեղ հասանելի է վերջին սերնդի Planmeca Promax 3D Mid դիմածնոտային համակարգչային տոմոգրաֆիան, որի միջոցով հնարավոր է կենտրոնում ապահովել 2D և 3D հետազոտություն բժիշկ-ստոմատոլոգների և դիմածնոտային վիրաբույժների, ինչպես նաև քիթ-կոկորդ-ականջաբանների համար: Կլինիկայում կիրառվում է նաև ատամների սպիտակեցման նորագույն ZOOM 4 համակարգը: Սարքն ապահովում է էմալի գունաբացման ամենաառաջադեմ և անվտանգ մեթոդը ստոմատոլոգիայում:

Այստեղ իրականացվում է նաև ներբերանային սկանավորում` արագ և հեշտ 3D արտատպում ստանալու համար, որի նպատակն է ստանալ համալիր ախտորոշում և բուժման ընթացքի պլանավորում, ինչպես նաև ստանալ պացիենտի համար կանխատեսելի արդյունքներ:

Կլինիկայի բոլոր այցելուները կարող են ստանալ ցանկացած տեսակի ստոմատոլոգիական բուժծառայություն` հիգիենիստների, թերապևտների, մանկական ստոմատոլոգների, օրթոպեդների, օրթոդոնտների, վիրաբույժների և իմպլանտոլոգների:

Yerevan Dental Clinic-ը հետևում է նորագույն տեխնոլոգիաների առաջընթացին և առաջնային է համարում բժիշկ-այցելու փոխհարաբերություններում առկա վստահությունը, ջերմ մթնոլորտն ու հետևողականությունը:

 

Տնօրեն

Արթուր Իկլիկյան

Նկարներ

Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա
Երևան ատամնաբուժական կլինիկա

1. Իմպլանտացիա և վիրաբուժություն

Ատամնային իմպլանտացիան ժամանակակից, արդի, հեռանկարային և պահանջված ուղղություն է, որի ժամանակ ծնոտոսկրի մեջ տեղադրվում է տիտանե իմպլանտ, որը փոխարինում է ատամի արմատային հատվածը, իսկ վերջինիս վրա տեղադրված շապիկը ապահովում է ատամի ամբողջական տեսքը:

  • Վերականգնում է ատամի էսթետիկ տեսքը
  • Վերականգնում է ծամողական ֆունկցիան
  • Չեն հղկվում հարևան առողջ ատամները՝ ի տարբերություն կամրջաձև կոնստրուկցիաների
  • Թույլ է տալիս վերականգնել և' մեկ ատամի բացակայությունը, և' ատամների ամբողջական բացակայությունը
  • Չի պատճառում դիսկոմֆորտ
  • Երկարակյաց է

2․ Ատամների սպիտակեցում

Yerevan Dental Clinic-ը առաջարկում է ատամների սպիտակեցման նորագույն ZOOM 4 համակարգը` էմալի գունաբացման ամենաառաջադեմ և անվտանգ մեթոդը ստոմատոլոգիայում: Էֆեկտիվությունը կայանում է նրանում, որ լույսի ազդեցության շնորհիվ սպիտակեցնող գելից ազատվում են թթվածնի ակտիվ մոլեկուլներ, որոնք էլ առաջացնում են սպիտակեցում: Թթվածինը թափանցում է ատամի խորը շերտեր և վերացնում ցանկացած պիգմենտացիա: Այս մեթոդն օգնում է նույնիսկ ծխողներին և այն մարդկանց, ում մոտ ատամների մգացումը ունի տարիքային բնույթ:

Zoom 4 համակարգի առանձնահատկությունը կայանում է հետևյալում`

  • Պրոցեդուրան կատարվում է մեկ այցելությամբ
  • Արդյունքը պահպանվում է նվազագույնը 5 տարի
  • Տևողությունը` 45-60 րոպե
  • Ատամների գույնը սպիտակում է մինչև 8 տոն
  • Չի վնասում էմալը
  • Չի առաջացնում ատամների գերզգայունություն
  • Անցավ է

3․ Օրթոդոնտիա

Օրթոդոնտիան ստոմատոլոգիայի արագ զարգացող ճյուղերից է, որը զբաղվում է ատամնածնոտային անոմալիաների պատճառագիտության և ախտածնության ուսումնասիրությամբ, նրանց ախտորոշման մեթոդների կատարելագործմամբ, բուժման և կանխարգելման միջոցների մշակմամբ, ինչպես նաև ծնոտների աճի կառավարմամբ, ատամնածնոտային համակարգի ֆունկցիաների կարգավորմամբ և օրգանիզմի զարգացման վրա ատամնածնոտային անոմալիաների ազդեցության ուսումնասիրությամբ։

Կծվածքի ուղղում

Կծվածքի ուղղումը չնչին անհարմարավետություն է պատճառում ադապտացիայի շրջանում՝ 7-14 օրվա ընթացքում: Բրեկետ-համակարգը չի վնասում ատամների էմալը, սակայն պահանջում է մանրազննին անհատական հիգիենա և խնամքով վերաբերմունք, ինչպես նաև օրթոդոնտի բոլոր ցուցումների կատարում: Օրթոդոնտիկ բուժումից առաջ անցկացվում է հիվանդի հոգեբանական նախապատրաստում և ատամների կարիեսի պրոֆիլակտիկա (բերանի խոռոչի անհատական հիգիենայի ուսուցում և բոլոր վնասված ատամների պլոմբավորում):

Բրեկետների տեսակները`

  • Մետաղյա
  • Կերամիկական
  • Շափյուղե

Բրեկետները լինում են մետաղական ու էսթետիկ և կարող են ֆիքսվել ատամների արտաքին կամ ներքին (լինգվալ) մակերեսի վրա:

Մետաղական բրեկետները պատրաստվում են հատուկ բիոհամատեղելի հալույթներից։ Լինում են նաև հիպոալերգեն բրեկետներ՝ առանց նիկելի պարունակության: Էսթետիկ բրեկետներից ավելի հաճախ օգտագործվում են շափյուղյե և կերամիկական բրեկետները:

Օրթոդոնտիկ բուժման նպատակը չպետք է լինի միայն իդեալական կծվածքի ստացումը։ Պետք է նաև հաշվի առնել դեմքի էսթետիկան և ստացված արդյունքի կայունությունը:

4․ Թերապևտիկ ստոմատոլոգիա

Yerevan Dental ստոմատոլոգիական կենտրոնը մատուցում է բոլոր թերապևտիկ ծառայությունները`

  • Կարիեսի բուժում
  • Պուլպիտի բուժում (նյարդի բորբոքման բուժում)
  • Պերիոդոնտիտի բուժում (շուրջատամնային հյուսվասծքի բորբոքման բուժում)
  • Ատամների կոմպոզիտային վերականգնում
  • Ոչ կարիեսային ախտահարումների բուժում
  • Լնդային խնդիրների բուժում

Ներկայումս ստոմատոլոգիայի զարգացման մակարդակը թույլ է տալիս բուժել նույնիսկ այն ատամները, որոնք նախկինում համարվում էին անհուսալի և դրանք հեռացվում էին:

Ժամանակակից էնդոդոնտիան բարդ գործընթաց է, որն իր մեջ ընդգրկում է՝

1. անզգայացում

2. ատամի մեկուսացում ռաբերդամի (պատնեշի) միջոցով

3. արմատախողովակի երկարության որոշում

4. ռենտգեն հսկողություն

5. արմատախողովակի մեխանիկական և քիմիական մշակում

6. անհրաժեշտության դեպքում արմատախողովակի լցավորում ժամանակավոր բուժիչ լցանյութով

7. արմատախողովակի մշտական լցավորում

8. ռենտգեն հսկողություն:

Կարիես

Այն ատամի կարծր հյուսվածքների ապահանքայնացումն է: Կարիեսը առաջանում է բակտերիաների որոշակի տեսակներից, որոնք վերամշակում են ածխաջրերը և այդ ընթացքում արտադրում են թթու, որը քայքայում է ատամի էմալը և դրա տակ գտնվող դենտինը:

Կարիեսը ժամանակին չբուժելու դեպքում կարող է հանգեցնել հետևյալ բարդությունների զարգացման`

  • Պուլպիտ
  • Պերիոդոնտիտ
  • Պսակի քայքայում` կծելու ֆունկցիայի խանգարում
  • Հաճախակի բորբոքային հիվանդություններ (տոնզիլիտ և այլն)
  • Ախորժակի կորուստ
  • Աշխատունակության անկում

5. Մանկական ստոմատոլոգիա

Մանկական ստոմատոլոգիան, մի շարք առանձնահատկություններով պայմանավորված, պահանջում է հատուկ մոտեցում երեխաների ատամների և բերանի խոռոչի խնդիրների լուծման ընթացքում: Մանկական ստոմատոլոգիայում առաջնային տեղ են հատկացնում երեխայի հոգեբանական նախապատրաստմանը:

Մանկական ստոմատոլոգիայի ուղղություններն են`

  • Կաթնատամի կարիեսի, պուլպիտի, պերիոդոնտիտի բուժում
  • Կաթնատամի հեռացում
  • Ատամների ֆիսուրների զմռսում (F-ով լաքապատում )
  • Ատամների պլոմբավորում
  • Ստոմատիտի բուժում

Կաթնատամների կառուցվածքային առանձահատկություններով պայմանավորված՝ երեխաների մոտ կարիեսը շատ արագ է զարգանում: Այդ իսկ պատճառով շատ կարևոր է ժամանակին և կանոնավոր բժիշկի այցելելը:

6․ Ախտորոշումը ստոմատոլոգիայում

Ախտորոշումը հնարավորություն է տալիս տեսնել և ախտորոշել այն հիվանդությունները, որոնք չեն կարող նկատվել սովորական զննման ժամանակ, ինչպես նաև վերահսկել բուժման տարբեր փուլերը:

Կլինիկան հագեցած է գերժամանակակից սարքավորումներով և թվային ախտորոշման տեխնոլոգիաներով: Այստեղ հասանելի է վերջին սերնդի «Planmeca Promax 3D Mid» դիմածնոտային համակարգչային տոմոգրաֆիան, որի միջոցով հնարավոր է կենտրոնում ապահովել 2D և 3D հետազոտություն բժիշկ-ստոմատոլոգների և դիմածնոտային վիրաբույժների, ինչպես նաև քիթ-կոկորդ-ականջաբանների համար:

Ժամանակակից տեխնոլոգիաների զարգացումը թույլ է տալիս կիրառել ախտորոշման հետևյալ տարբերակները՝

  • ռենտգեն ախտորոշում ռադիովիզոգրաֆի միջոցով
  • օրթոպանտոմոգրամմա (2D ախտորոշում)
  • 3D ախտորոշում

Սովորական ռենտգեն սարքավորումների համեմատ` ռադիովիզոգրաֆի վրա պատկերված նկարներն ավելի հստակ են և ամբողջական: Ռադիովիզոգրաֆի ճառագայթումը հարյուրավոր անգամ քիչ է: Օրթոպանտոմոգրամման թույլ է տալիս ստանալ ծնոտի և ատամների միասնական պատկեր, որի հիման վրա էլ կատարվում է բերանի խոռոչի ախտորոշումը. ուսումնասիրվում է ատամի կառուցվածքը, ատամի դասավորվածությունը ծնոտի վրա, փոփոխված պաթոլոգիայի առկայությունը: Նոր տեխնոլոգիաների՝ 3D տոմոգրաֆների կիրառումը հնարավորություն է տալիս ստեղծելու ատամների 3D շերտավոր պատկեր, որը հանդիսանում է եռաչափ վիրտուալ մոդել: 3D պատկերի դեպքում ստացվում է առավելագույն տեղեկություն ատամի կառուցվածքի և այլ հյուսվածքների վերաբերյալ:

7. Պարոդոնտոլոգիա

Պարոդոնտը ատամի արմատը շրջապատող հյուսվածքն է: Պարոդոնտի ախտահարումներին նպաստում են ներքին և արտաքին, տեղային և ընդհանուր բնույթի բազմաթիվ գործոններ: Դրանք են՝

  • Բերանի խոռոչի հիգիենայի կանոնների անտեսումը
  • Ատամների և հարատամնային հյուսվածքի գեր կամ թեր բեռնվածությունը
  • Թերի պրոթեզավորումը և ատամնալիցքը (պլոմբ)
  • Օրթոդոնտիկ բուժման ժամանակ ծագած արատները, կծվածքի և ատամների անկանոն դասավորությունը
  • Նյութափոխանակության, ներքին օրգանների, իմունային և արյունաստեղծ օրգանների հիվանդությունները, հղիությունը
  • Պատանեկան տարիքը
  • Վիտամինների պակասը և այլն:

Հիվանդության նախանշաններն են`

  • Ատամները լվանալիս լնդերից արյունահոսությունը,
  • Բերանից տհաճ համի և հոտի առակայությունը,
  • Ատամների վզիկների մերկացումը,
  • Լնդային գրպանիկներից թարախային արտադրությունը,
  • Ատամների շարժունություն։

Սրանք թերևս ամենատեսանելի նախանշաններն են, իսկ ատամնաքարերի առկայությունն արդեն իսկ տագնապի ազդանշան է ձեր ատամների և նրանց շրջապատող հյուսվածքների համար: Այն հանգեցնում է ատամների արմատների մերկացմանը, որի հետևանքով նրանք ասես երկարում են և հեռանում միմյանցից: Բուժման երկարատև բացակայությունը բերում է ախտահարված ատամների կորստի:

Մեզ մոտ ժամանակակից պարադոնտոլոգիան հագեցված է նորագույն սարքավորումններով, որոնց շնորհիվ մեր կենտրոնի լավագույն մասնագետները համալիր բուժման մեթոդներով ստանում են հնարավորինս լավագույն արդյունքներ: Ճիշտ կանխարգելումը հանգեցնում է արագ ապաքինման և առողջ հյուսվածքների պահպանման:

8. Օրթոպեդիկ ստոմատոլոգիա

Օրթոպեդիկ ստոմատոլոգիան զբաղվում է ախտորոշմամբ, ատամների ամբողջականության խախտման վերականգմամբ, բացակայող ատամների փոխարինմամբ և այն հիվանդությունների բուժմամբ, որոնք կապված են ծամող ատամների, հոդերի դիսֆունկցիայի հետ: Նույնիսկ մեկ ատամի կորստի դեպքում, հիվանդը օրթոպեդիկ բուժման և ատամների պրոթեզավորման կարիք ունի, քանի որ ատամի (ատամների) բացակայությունը բացասաբար է ազդում ոչ միայն տեսքի, այլ նաև ողջ օրգանիզմի վրա: Մասնավորապես, վատանում է ծամելու որակը, և սնունդը աղեստամոքսային տրակտ է հասնում վատ ծամված վիճակում, ինչը կարող է հանգեցնել մարսողական տրակտի հիվանդությունների:

Բացակայող ատամին կից ատամները աստիճանաբար՝ մի քանի տարում, թեքվում են դեֆեկտի կողմը: Այդպիսով, ատամածնոտային համակարգում տեղի է ունենում հավասարակշռության խախտում։ Մենք առաջարկում ենք օրթոպեդիկ բուժման բոլոր տեսակները, որոնք ներառում են՝

  • ձուլովի գամիկի տեղադրում,
  • ցիրկոնային գամիկի տեղադրում,
  • մետաղ-կերամիկական պսակներ,
  • կերամիկական պսակներ ցիրկոնային օքսիդի հիմքի վրա,
  • լրիվ կերամիկական պսակներ,
  • կերամիկական վինիրներ,
  • կերամիկական ներդիրներ,
  • բյուգելային պրոթեզավորման բոլոր տեսակները,
  • շարժական պրոթեզավորման բոլոր տեսակները,
  • իմպլանտատների վրա պրոթեզավորումը:

9․ Էսթետիկ ստոմատոլոգիա

Էսթետիկ ստոմատոլոգիայի ուղղությունն ամեն տարի գնալով դառնում է ավելի հայտնի: Այժմ դեպքերը, երբ ստոմատոլոգին դիմում են ոչ թե անհանգստացնող ցավի, այլ՝ ժպիտի էսթետիկայի վերականգնման համար, շատ ավելի հաճախ են հանդիպում:

Մեր կենտրոնում էսթետիկան կարելի է վերականգնել հետևյալ մեթոդներով՝

  • Ատամների սպիտակեցում
  • Ատամների էսթետիկ վերականգնում
  • Վինիրների տեղադրում
  • Բերանի խոռոչի պրոֆեսիոնալ հիգիենա

Վինիրները օրթոպեդիկ կոնստրուկցիաներ են, որոնց միջոցով կարելի է փոխել ատամի գույնը և ձևը: Այն իրենից ներկայացնում է բարակ թիթեղ, որը ամրացվում է ատամի միայն արտաքին մակերեսին:

Ցուցումներ վինիրների տեղադրման համար՝

  • Էմալի գույնի փոփոխություն
  • Ոչ ուղիղ ատամնաշար
  • Ճեղքեր ատամների միջև
  • Էմալի վնասվածքներ և դիմացի ատամների բազմաքանակ կարիես
  • Ատամների սպիտակեցում

Ատամների պրոֆեսիոնալ սպիտակեցման ժամանակակից համակարգերը թույլ են տալիս հասնել փայլուն արդյունքների՝ չվնասելով էմալն ու առողջ պահելով Ձեր ատամները:

Բերանի խոռոչի հիգիենա

Առողջ և սպիտակ ատամները հանդիսանում են գեղեցկության հիմնական տարրերից մեկը: Բերանի խոռոչի առողջ լինելը լավ է անդրադառնում ողջ օրգանիզմի ճիշտ կենսագործունեության վրա: Ահա թե ինչու, շատ կարևոր է բերանի խոռոչի հիգիենան:

Բերանի խոռոչի ճիշտ հիգիենան կարևոր նախապայման է ատամի հյուսվածքի կարիոզ ախտահարման կանխարգելման համար, որի տարածվածությունը կազմում է 95% աշխարհի բնակչության մոտ: Կարիեսի առաջացումը սկսվում է ատամի մակերեսին ատամնափառի առկայությունից՝ սնունդ ընդունելուց հետո:

Սննդի մնացորդները և ատամնափառը նպաստում են միկրոօրգանիզմների քանակի ավելացմանը, որոնց կենսագործունեության հետևանքով առաջացած կաթնաթթուն առաջացնում է ատամի հյուսվածքի կալցիումի, ֆոսֆորի և այլ միկրոէլեմենտների քայքայում ու հեռացում: Էմալի դեմիներալիզացիայի հետևանքով ատամի մակերեսին առաջանում են կարիոզ խոռոչներ, որոնք ժամանակի ընթացքում միտում ունեն ընդգրկելու լայն մակերեսներ: Այդ իսկ պատճառով կարևոր է մեծ ուշադրություն դարձնել բերանի խոռոչի ճիշտ հիգիենային, որը սկսվում է ճիշտ ատամնախոզանակի և ատամի մածուկի ընտրությունից: Անհրաժեշտ է ատամները լվանալ առավոտյան նախաճաշից հետո և երեկոյան:

Ստոմատոլոգները խորհուրդ են տալիս կատարել բերանի խոռոչի պրոֆեսիոնալ հիգիենա տարին երկու անգամ: Պրոֆեսիոնալ հիգիենան հնարավորություն է տալիս կատարել վեր- և ստորլնդային ատամնաքարերի հեռացում, որն անհնար է իրականացնել տնային պայմաններում: