Սուրբ Աստվածամայր բժշկական կենտրոն

Արտաշիսյան 46ա, 0039, Երևան, Հայաստան
Հասցե
+374 10 46 18 41
+374 10 42 01 56
Հեռախոս
[email protected]
Էլ. փոստ

Կարգախոս

Բավարարելով բնակչության առողջական կարիքները, լինել լիդեր հանրապետությունում բարձրորակ բուժօգնություն տրամադրելու գործում` կիրառելով առողջապահական ոլորտի վերջին նվաճումները, օժանդակելով երիտասարդ մասնագետների պատրաստմանը, բարձրացնելով բուժաշխատողի հեղինակությունը հասարակության մեջ:

Սուրբ Աստվածամայր բժշկական կենտրոնը բնակչությանը բուժօգնություն տրամադրող Երևանի ամենամեծ բուժհաստատություններից է:
Բժշկական կենտրոնի բազայում գործում է Մանկական Շտապ օգնության Կլինիկական Հիվանդանոցը, որը տարեկան սպասարկում է մինչև 18 տարին չլրացած 5000 հիվանդ:
Մանկական Շտապ օգնության Կլինիկական Հիվանդանոցը բազմաֆունկցիոնալ ստացիոնար է, որտեղ կան ինչպես թերապևտիկ (նորածնային պաթոլոգիայի բաժանմունք, ընդհանուր մանկաբուժական բաժանմունք, հանրապետական գաստրոէնտերոլոգիայի կենտրոն), այնպես էլ վիրահատական (նեյրովիրաբուժության, վնասվածքաբանության և օրթոպեդիայի, ընդհանուր վիրաբուժության, դիմածնոտային, նորածնային, էնդոսկոպիկ վիրաբուժության, օտորինոլարինգոլոգիայի, վերակենդանացման և ինտենսիվ թերապիայի) բնույթի բաժանմունքներ: Բացի այդ հիվանդանոցում առկա է ընդհանուր կլինիկական, բիոքիմիական, իմունոքիմիական լաբորատորիա, ինչպես նաև ճառագայթային և գործիքային ախտորոշման բաժանմունք(duplex, triplex) :



Մանկական Շտապ օգնության Կլինիկական Հիվանդանոցի բազայում գործում են մանկական վիրաբուժության և ԵՊԲՀ-ի նյարդաբանության ամբիոնը, Ազգային առողջապահության ինստիտուտի քիթ-կոկորդ-ականջ հիվանդությունների, նեյրովիրաբուժության և նյարդաբանության ամբիոնը, ինչպես նաև Հանրապետական գաստրոէնտերոլոգիայի կենտրոն և Թոքաբանության քաղաքային կենտրոնը:

Շնորհիվ 2003 Ճապոնիայի կառավարության կողմից տրամադրված դրամաշնորհի(2 մլն $) հիվանդանոցը ապահովվել է բարձրակարգ սարքավորումներով`ժամանակակից թվային վերլուծող սարքեր, սոնոգրաֆ, հիվանդների վիճակին հետևելու համակարգեր, ներքին հետազոտության համակարգեր (Endovision system` էնդոսկոպիկ միջամտությունների համար): Վերջինս օգտագործվում է էնդոսկոպիկ վիրահատությունների ժամանակ: 2005 թ. հիվանդանոցը ձեռք է բերել համակարգչային տոմոգրաֆ: Այս ամենի շնորհիվ զգալիորեն բարձրացել են ախտորոշման և վերականգնողական հնարավորություները:



Բացի այդ Սուրբ Աստվածամայր բժշկական կենրոնը շարունակում է համագործակցել արտերկրյա կազմակերպությունների և անհատների հետ, որոնցից շատերը բազմիցս ֆինանսական աջակցություն են ցուցաբերել կենտրոնին:

2005-2008 թթ. Համաշխարհային Բանկի կողմից անցկացված ծրագրի շրջանակներում "Սուրբ Աստվածամայր" բժշկական կենրոնի հիվանդանոցը, ծննդատունը և պոլիկլինիկաները վերանորոգվել են և վերազինվել ժամանակակից սարքավորումներով:

Բժշկական կենրոնի մասնագետները անցել են վերապատրաստման դասընթացներ թե Հայաստանում, թե արտերկրում: Կլինիկայի պարծանքն է համարվում գանգուղեղային վնասվածքների մոնոգրաֆիան, որը հիվանդանոցի բազմամյա փորձի արդյունքն է: Այստեղ առկա բազմաթիվ գործնական խորհուրդները օգտակար կլինեն թե մանկավիրաբույժների, թե ուսանողների համար:

ԿԵՆՏՐՈՆԻ ԿԱՌՈՒՑՎԱԾՔԸ

Մանուկների և մեծահասակների ստացիոնար`

  • Ընդունարան,
  • Ընդհանուր մանկաբուժական բաժանմունք,
  • Մանկական գաստրոէնտերոլոգիայի կենտրոն,
  • Մանկական նյարդաբանական բաժանմունք,
  • Թերապիայի և նյարդաբանության բաժանմունք,
  • Վերականգնողական և ֆիզիոթերապիայի բաժանմունք,
  • Մանկական նեյրովիրաբուժության բաժանմունք,
  • Վնասվածքաբանության և օրթոպեդիայի բաժանմունք,
  • Մանկական և նորածնային վիրաբուժության բաժանմունք,
  • Մանկական թոքային վիրաբուժության բաժանմունք,
  • Էնդոսկոպիկ վիրաբուժության բաժանմունք,
  • Օտորինոլարինգոլոգիայի բաժանմունք,
  • Ընդհանուր վիրաբուժության բաժանմունք,
  • Անզգայացման և վիրահատական բլոկ,
  • Ախտորոշման բլոկ (ընդհանուր կլինիկական, բիոքիմիական, իմունոքիմիական լաբորատորիա, ճառագայթային և գործիքային ախտորոշում (duplex, triplex), էնդոսկոպիկ ախտորոշում, գերձայնային հետազոտություն:
  • Մանկական դիմածնոտային վիրաբուժության բաժանմունք


Սուրբ Աստվածամայր բժշկական կենտրոնի դիմածնոտային վիրաբուժության բաժանմունքը գործում է 2002 թվականից: Բաժանմունքի վարիչն է Արմեն Բենյամինի Ավագյանը, բժիշկներն են Արմեն Լիպարիտի Սարգսյանը և Անահիտ Լևոնի Շահինյանը:
Բաժանմունքում որակյալ մասնագիտական օգնություն է ցուցաբերվում դիմածնոտային շրջանի տարաբնույթ հիվանդություններով տառապող հիվանդներին:



Դիմածնոտային շրջանի ախտահարումները բաժանմունքում հանդիպում են հետևյալ հարաբերակցությամբ`

  • բնածին արատներ` 10-12%,
  • վնասվածքներ` 31-38%,
  • ուռուցքներ և ուռուցքանման գոյացություններ` 14-16%,
  • բորբոքային ախտահարումներ` 33-38%,
  • այլ հիվանդություններ` 3-5%:


Դեմքի բնածին արատների, մասնավորապես` վերին շրթունքի և քիմքի բնածին ճեղքվածքների (ժողովրդի մոտ այս հիվանդությունները հայտնի են "նապաստակի շրթունք" և "գայլի երախ"անվանումներով) վիրահատական բուժումն իրականացնելիս կիրառվում են այնպիսի մեթոդներ, որոնք թույլ են տալիս վերականգնել արատավոր օրգանի և՛ տեսքը և՛ ֆունկցիան:

Բաժանմունքում հաճախ հոսպիտալացվում են քթի, ծնոտոսկրերի և դիմածնոտային շրջանի փափուկ հյուսվածքների (լեզվի, շրթունքների, թշերի, քիմքի) վնասվածքներով երեխաներ: Վնասվածքների առավել ծանր տեսակները կապված են ճանապարհատրանսպորտային պատահարների հետ և կարող են ուղեկցվել գանգուղեղային, վերջույթների և ներքին օրգանների վնասվածքներով: Դրանց բուժման համար հաճախ համագործակցում ենք բժշկական կենտրոնի այլ ստորաբաժանումների (նյարդավիրաբուժական, վնասվածքաբանության և օրթոպեդիայի բաժանմունքներ և այլ) հետ:

Երեխաների դիմածնոտային շրջանի ուռուցքների 25,8%-ը կազմում են հեմանգիոմաները: Վերջիններիս բուժումը բաժանմունքում իրականացվում է ինչպես վիրահատական, այնպես էլ սկլերոզացնող թերապիայի մեթոդներով:

Դիմածնոտային շրջանի բորբոքային հիվանդությունների բուժումը բաժանմունքի աշխատանքների մեջ մեծ տեղ է զբաղեցնում: Նման ախտահարումների թվի նվազեցման և կանխարգելման նպատակով ակտիվ սանիտարալուսավորչական աշխատանք է իրականացվում հիվանդների, նրանց ծնողների, խնամողների և հարազատների միջավայրում:

Բաժանմունքում դրական արդյունքներ են ապահովվում թքագեղձերի և քունք-ստործնոտային հոդերի հիվանդությունների բուժման, ինչպես նաև քթի ձևախախտումների վիրահատական շտկման (ռինոպլաստիկա) բնագավառներում:

Բաժանմունքի աշխատակիցները զբաղվում են նաև գիտամանկավարժական աշխատանքով: Ա.Բ. Ավագյանը և Ա.Լ. Սարգսյանը դասախոսում են Երևանի Մ. Հերացու անվան պետական բժշկական համալսարանի մանկական ստոմատոլոգիայի և օրթոդոնտիայի ամբիոնում, և բաժանմունքը ուսումնական հենակետ է ծառայում նշված ամբիոնի համար: ՈՒսումնական դասընթացներն այստեղ հաճախող ուսանողները տեսական գիտելիքներ ստանալուն զուգահեռ հնարավորություն են ունենում առընչվել հիվանդների հետ և ձեռք բերել որոշ գործնական հմտություններ:

Բաժանմունքը կապեր ունի արտասահմանցի գործընկերների հետ: Մասնավորապես Բրունո Նավաիլը (Ֆրանսիա) և Ջոն Վարդանյանը (ԱՄՆ) բաժանմունքի մասնագետների հետ մի շարք բարեգործական վիրահատություններ են իրականացրել Սուրբ Աստվածամայր բժշկական կենտրոնում:

2011թ. բաժանմունքի վարիչ Ա.Բ. Ավագյանը մասնագիտական վերապատրաստում է անցել Ֆրանսիայում:

 

 

Համագործակցություն

Բժշկական կենտրոնը համագործակցում է մայրաքաղաքի և մարզերի բուժհաստատություննեիր, ինչպես նաև օտարերկրյա մասնագետների հետ, որոնցից շատերը բազմաթիվ բարդ վիրահատություններ են կատարել հիվանդանոցում: Կենտրոնի բժիշկները ակտիվորեն մասնակցում են Զալցբուրգում անցկացվող Միջազգային բժշկական սեմինարներին, ավստրիական կլինիկաներում վերապատրաստվելուն հետ մեկտեղ: Հիվանդանոցը մի քանի տարի շարունակ ակտիվորեն համագործակցում է Մյունստեր (Գերմանիա) քաղաքի համալսարանական կլինիկայի, Պոլենովի անվ. նեյրովիրաբուժության գիտահետազոտական ինստիտուտի հետ (Սանկտ-Պետերբուրգ):

Բժշկական կենտրոնի աշխատակիցները ակտիվորեն ընդգրկված են Հայկական Մանկաբուժության Ասոցիացիայի, Առողջապահության կազմակերպիչների միավորման, Հայաստանի Անեստեզիոլոգ-ռեանիմատոլոգների Ասոցիացիայի, Հայաստանի Օտորինոլարինգոլոգների Ասոցիացիայի, Հայաստանի Բժշկական Ասոցիացիայի աշխատանքներում:

 

Տնօրեն

Նիկոլայ Հովհաննեսի Դալլաքյան

Նկարներ

Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն
Սուրբ Աստվածամայր բժշկական կենտրոն

Բժշկական կենտրոնում բուժսպասարկումը ներառում է՝

  • Կանանց կոնսուլտացիա,
  • Մանկաբարձություն-գինեկոլոգիա,
  • Նորածնային պաթոլոգիա,
  • Ընդհանուր մանկաբուժություն,
  • Մանկական գաստրոէնտերոլոգիա,
  • Մանկական նյարդաբանություն,
  • Թերապիա և նյարդաբանություն,
  • Վերակենդանացում և ինտենսիվ թերապիա,
  • Մանկական վիրաբուժություն,
  • Մանկական և մեծահասակների վնասվածքաբանություն և օրթոպեդիա,
  • Մանկական և նորածնային վիրաբուժություն,
  • Մանկական թոքային վիրաբուժություն,
  • Մանկական դիմածնոտային վիրաբուժություն,
  • Էնդոսկոպիկ վիրաբուժություն,
  • Օտորինոլարինգոլոգիա,
  • Ընդհանուր վիրաբուժություն,
  • Վերակենդանացում և ինտենսիվ թերապիա:

ԲՈՒԺՄԱՆ ՄԵԹՈԴՆԵՐ

Կոնսերվատիվ թերապիան իրականացվում է բժշկական գիտությունների վերջին ձեռքբերումների համաձայն: Այն ընդգրկում է` նեյրովիրաբուժություն, թոքային, օտորինոլարինգոլոգիական, դիմածնոտային վիրաբուժություն, ոսկրերի և հոդերի վիրաբուժություն, էնդոսկոպիկ վիրաբուժություն, լապարասկոպիա, օտորինոլարինգոլոգիական օրգանների էնդոսկոպիկ վիրաբուժություն, գերձայնային հետազոտություն:

 

Դավիթ Նիկոլայի Դալլաքյան

Վիրաբույժ (մանկական)