«ԱՄԲՐԵԼԼԱ ՄԵԴ» ԲԺՇԿԱԿԱՆ ԿԵՆՏՐՈՆ

«ԱՄԲՐԵԼԼԱ ՄԵԴ» ԻՄՈՒՆԱՅԻՆ ԹԵՐԱՊԻԱՅԻ ԵՎ ԿՈՄՊԼԵՄԵՆՏԱՐ ԲԺՇԿՈՒԹՅԱՆ ԿԵՆՏՐՈՆ

Ավելի քան 20 տարի մեր գիտնականներն ու բժիշկները զբաղվում են հետազոտություններով՝ ուղղված բնական հումքով լայն սպեկտրի դեղորայքի մշակմանը։

Իմունոթերապիան պրակտիկ իմունոլոգիայի մի մասն է։ Վերջինիս խնդիրը ներգործությունն է իմունային համակարգի վրա՝ իմունային պատրաստուկներով բուժման միջոցով։ Իմունային թերապիան կիրառվում է որպես օժանդակ միջոց՝ վարակիչ և ուռուցքային հիվանդությունների բուժման ժամանակ։

Ուռուցքաբանությունն ուսումնասիրում է բարորակ և չարորակ նորագոյացություները, դրանց առաջացման և զարգացման մեխանիզմները, ինչպես նաև ախտորոշման, բուժման և կանխարգելման եղանակները։

Մաշկաբանությունն ուսումնասիրում է մաշկի կառուցվածքը, մաշկի հիվանդությունների առաջացման պատճառները, ախտորոշման և բուժման սկզբունքները։

Օրթոպեդիան կլինիկական բժշկության այն ճյուղն է, որն ուսումնասիրում է հենաշարժողական համակարգի բնածին և ձեռքբերովի խանգարումների ախտորոշման, բուժման և կանխարգելման սկզբունքները։

PRP-թերապիան ուղղված է օրգանիզմի սեփական բջիջների արագ վերականգնմանը՝ հատուկ պլազմային ներարկումների միջոցով։ Այն լայնորեն կիրառվում է վնասվածքաբանության, կոսմետոլոգիայի և տրիխոլոգիայի բնագավառներում։

«ԱՄԲՐԵԼԼԱ ՄԵԴ» ԲԿ-ն առաջարկում է ռևմատոլոգիական ծառայություններ.

Ինչո՞վ է առանձնանում մեր մոտեցումը այլ կլինիկաներում առկա ռևմատոլոգիական ծառայություններից.

 Անհատական մոտեցում բոլոր պացիենտներին

 Փաթեթային համակարգ, որը ներառում է թե դիագնոստիկ, թե թերապևտիկ միջոցառումներ

 Կլինիկան ռևմատոլոգիական պաթոլոգիաների բուժման առումով որդեգրել է գենային ինժեներիայի մեթոդով ստացված բիոլոգիական պրեպարատների կիրառությունը. վերջիններս ընտրողաբար են ազդում հիվանդության պաթոգենետիկ օղակների վրա՝ զերծ մնալով համակարգային ազդեցություններից

 Բիոլոգիական պրեպարատներով թերապիային զուգահեռ՝ կլինիկայում անց են կացվում PRP թերապիա, արտիկուլյար և պարարտիկուլյար և այլ միջամտություններ. վերջիններս նույնպես առանձնանում են բարձր արդյունավետությամբ և տեղային ազդեցությամբ

 Կլինիկայում առկա են բոլոր նեղ մասնագիտական կաբինետները, քանի որ ռևմատոլոգիական պաթոլոգիաները ընթանում են համակարգային և բազմաօրգանային ախտահարումներով՝ նեղ մասնագետների ներգրավվածությունը շատ կարևոր է այս հիվանդների դինամիկ հսկողության ամբողջ ընթացքում։

Այսպիսով, մենք առաջարկում ենք մատչելի և հասանելի ռևմատոլոգիական ծառայություններ՝ ՀՀ-ում դեռևս անհասանելի համարվող բիոլոգիական պրեպարատների կիրառությամբ։