Անաֆիլաքսիա
Նկարագրություն
Անաֆիլաքսիան իրենից ներկայացնում է գերզգայնություն, ալերգիկ հակազդեցություն, որն առաջանում է օրգանիզմ ալերգենների կրկնակի ներթափանցման արդյունքում։ Տարբերվում են անաֆիլաքսիայի ընդհանուր կամ տեղային տիպեր։ Առավել արտահայտված ընդհանուր հակազդեցությունը կոչվում է անաֆիլաքսային շոկ։
Պատճառներ
Հիվանդության տարբեր ախտանիշներ առաջ են գալիս դեղանյութերի, սննդամթերքների կրկնակի անգամ օրգանիզմ ներթափանցման արդյունքում, երբ առաջին անգամ այդ ալերգենների նկատմամբ գերզգայնացում էր առաջացել։ Գերզգայնացումը առաջանում է նաև մեղուների, կրետների, շամեղուների խայթոցներից։ Անաֆիլաքսային շոկի ամենատարածված դրսևորումներից են`
1.շնչառության կտրուկ դժվարացումը
2.արյան ճնշման անկումը
3.գիտակցության կորուստ
Անաֆիլաքսային շոկի ախտանիշների ի հայտ գալուն պես պետք է անհապաղ դիմել բժշկական օգնություն։
Կանխարգելում
Անաֆիլաքսիայի կանխարգելման համար պետք է խուսափել առանց բժշկի նշանակման դեղանյութերի ընդունումից, քանի որ դրանց օգտագործումը հաճախ բերում է գերզգայնացման։ Բժշկին պետք է անպայման տեղյակ պահել ալերգիական հակազդեցությունների մասին, այնպիսի ախտանիշների ի հայտ գալուն պես, ինչպիսիք են` այտուցը, եղնջացան, հատկապես, եթե դրանք նախկինում առաջացել են դեղանյութեր օգտագործելիս։ Անհրաժեշտ է խուսափել սննդային ալերգիա առաջացնող սննդամթերքից։