Շոկոլադը պաշտպանում է աղիների քաղցկեղից
Մասնագետները հաստատել են, որ կակաոյի ամենօրյա օգտագործումը զգալիորեն նվազեցնում է աղիների քաղցկեղի առաջացման հավանականությունը:
Մասնագետների խոսքերով` այս աշխատանքը հիանալիորեն ցույց է տալիս Արևմտյան Աֆրիկայում հավաքված կակաոյի հատիկների դրական ազդեցությունը:
Հատիկները պարունակում են մեծ քանակությամբ հակաօքսիդանտներ, որոնք չեզոքացնում են օրգանիզմի համար վնասակար ազատ ռադիկալների ազդեցությունը:
Հետևաբար, եթե շոկոլադը պարունակում է մեծ քանակությամբ կակաո, այն կարելի է օգտագործել մի շարք հիվանդություններից պաշտպանվելու համար` ներառյալ շաքարախտը, բարձր ճնշումը ու սրտի հիվանդությունները:
Իսկ բժիշկ Մարիա Արրիբասը որոշել է ստուգել` արդյո՞ք շոկոլադը կարող է պաշտպանել աղիների քաղցկեղից, եթե օրգանիզմը ենթարկվի քաղցկեղածին միացությունների ազդեցությանը:
Եվ այսպես, ստուգվող կենդանիների ութնօրյա սննդակարգը 12%-ով բաղկացած էր կակաոյից: Իսկ մնացած մկները կակաո ընդհանրապես չէին ուտում:
Հատկացված ժամանակից հետո երկու խմբերն էլ 4 շաբաթվա ընթացքում ենթարկվեցին ազոկսիմետին քաղցկեղածին նյութի ազդեցության, որն առաջացնում է աղիների քաղցկեղ: Արդյունքում` կակաոյով սնվող մկների մոտ գրանցվեցին ավելի քիչ քաղցկեղային վնասվածքներ:
Աղբյուրը` Doctors.am
03 Փետրվարի 2012